ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର:- ଉଚ୍ଚମାନର ଅର୍ନ୍ତଜାତୀୟ ଡ୍ରାଏ ଫ୍ରୁଟ୍ସ୍, ନମକିନ୍ ଏବଂ ହେଲ୍ଥ ୱେଲନେସ୍ ଉତ୍ପାଦ ସହିତ କାରାବାର କରୁଥିବା ଅନ୍ୟତମ ଅଗ୍ରଣୀ ରିଟେଲ୍ ବ୍ରାଣ୍ଡ ଶ୍ୟାମଳା ଡ୍ରାଏ ଫ୍ରୁଟ୍ସ୍ ସ୍ଥାନୀୟ ରଘୁନାଥପୁରରେ ଅବସ୍ଥିତ ରୟାଲ ଆର୍କେଡ୍ ମଲ୍ରେ ଏହାର ସ୍ୱତନ୍ତ୍ର ଆଉଟଲେଟ୍ ଉଦ୍ଘାଟିତ ହୋଇଯାଇଛି ।ଏହି ଅବସରରେ ମୁଖ୍ୟ ଅତିଥି ଭାବେ ଖୋର୍ଦ୍ଧା ଜିଲ୍ଲା ବିଜେଡି ଉପସଭାପତି ସୂର୍ଯ୍ୟକାନ୍ତ ନନ୍ଦ, ଖୋର୍ଦ୍ଧା ଜିଲ୍ଲା ବିଜେଡି ଉପସଭାପତି କୁନାଲ ରାଉତ, ଶ୍ୟାମଳା ଡ୍ରାଏ ଫ୍ରୁଟ୍ସ୍ର କାର୍ଯ୍ୟନିର୍ବାହୀ ନିର୍ଦ୍ଦେଶକ ମାଭୁଦୁରୁ ବିବେକ, ଫ୍ରାଞ୍ଚାଇଜ୍ ଓନର୍ ସୁନୀତ କୁମାର ସାମଲ ଓ ବହୁ ବିଶିଷ୍ଟ ବ୍ୟକ୍ତିଙ୍କ ଉପସ୍ଥିତରେ ଏହି ଷ୍ଟୋରକୁ ଉଦ୍ଘାଟନ କରିଥିଲେ ।
ଏହି ଆଉଟ୍ଲେଟ୍କୁ ଉଦ୍ଘାଟନ କରି ଶ୍ରୀ ନନ୍ଦ କହିଛନ୍ତି, ସହରର ଏହି ଅଞ୍ଚଳ ଦ୍ରୁତ ଗତିରେ ବିସ୍ତାର ହେଉଛି ଏବଂ ଏହି ଅଞ୍ଚଳରେ ବିଭିନ୍ନ କ୍ଷେତ୍ରର ଲୋକ ବସବାସ କରୁଛନ୍ତି । ଆଜିକାଲି ଆମେ ସମସ୍ତେ ସ୍ୱାସ୍ଥ୍ୟ ପ୍ରତି ସଚେତନ । ରୟାଲ୍ ଆର୍କେଡ୍ରେ ଶ୍ୟାମଳା ଡ୍ରାଏ ଫ୍ରୁଟ୍ସ୍ ଭଳି ରିଟେଲ୍ ବ୍ରାଣ୍ଡ ପାଇବା ଆମ ପାଇଁ ଆନନ୍ଦର ବିଷୟ ଯେ ଏହା ଜନସାଧାରଣଙ୍କ ପାଇଁ ପରବର୍ତ୍ତୀ ଆକର୍ଷଣୀୟ ଗନ୍ତବ୍ୟସ୍ଥଳ ହେବାକୁ ଯାଉଛି । ପଟିଆରୁ ନନ୍ଦନକାନନ ପର୍ଯ୍ୟନ୍ତ ଏହା ଏକମାତ୍ର ମଲ୍।
ଏହି ଅବସରରେ ଶ୍ୟାମଳା ଡ୍ରାଏ ଫ୍ରୁଟ୍ସ୍ର ଏମ୍ଡି ଶ୍ରୀ ବିବେକ କହିଛନ୍ତି, ଶ୍ୟାମଳା ଡ୍ରାଏ ଫ୍ରୁଟ୍ସ୍ ବ୍ରାଣ୍ଡ୍ ଆଉଟ୍ଲେଟ୍ ସହ ଓଡିଶାରେ ଆମର ରିଟେଲ୍ ବହୁ ବିସ୍ତାର କରି ଆମେ ଆନନ୍ଦିତ । ଭୁବନେଶ୍ୱରର ସମସ୍ତ ସ୍ୱାସ୍ଥ୍୍ୟ ସମନ୍ଧୀୟ ସାମଗ୍ରୀ ଗୋଟିଏ ଷ୍ଟୋରରେ ମିଳିବାର ଲକ୍ଷ୍ୟରେ ଆମେ ଗୁଣାତ୍ମକ ଏବଂ ସୁସ୍ଥ ଖାଦ୍ୟ ପ୍ରତି ଉପଭୋକ୍ତାଙ୍କ ଚାହିଦା ପୂରଣ କରିବାକୁ ଆଗେଇ ଆସିଛୁ । ରୟାଲ ଆର୍କେଡ୍ ଜନସାଧାରଣଙ୍କ ପାଇଁ ଏକ ଆଗାମୀ ଆକର୍ଷଣର ବିନ୍ଦୁ ଅଟେ । ତେଣୁ ଆମେ ଏହି ସ୍ଥାନର ଫାଇଦା ନେବାକୁ ଚାହୁଁଛୁ । ଗ୍ରାହକଙ୍କ ଚାହିଦାକୁପୂରଣ କରିବା ପାଇଁ ଗୁଣାତ୍ମକ ଏବଂ ସୁସ୍ଥ ଖାଦ୍ୟ ପ୍ରଦାନ କରିବାକୁ ଆମର ପ୍ରତିଶ୍ରୁତି ଏକ ପ୍ରଦର୍ଶନ ହେଉଛି ଏହି ଷ୍ଟୋରର ଶୁଭାରମ୍ଭ ।ଓଡିଶାରେ ସବୁବେଳେ ଆନ୍ଧ୍ର ନମ୍କିନ୍ ଏବଂ ଆଚାରର ଚାହିଦା ଅଧିକ ରହିଥାଏ ।
ଶ୍ୟାମଳା ଡ୍ରାଏ ଫ୍ରୁଟ୍ସ୍ ଆନ୍ଧ୍ରପ୍ରଦେଶର ଏକ ଅଗ୍ରଣୀ ବ୍ରାଣ୍ଡ ଯାହାର ୧୬ଟି ଆଉଟଲେଟ୍ ରହିଛି । ଏହାର ଗୁଣାତ୍ମକ ଶୁଖିଲା ଫଳ ଏବଂ ନମକିନ୍ ପ୍ରଡକ୍ଟମାନ ସ୍ୱାସ୍ଥ୍ୟ କଲ୍ୟାଣ ଉତ୍ପାଦ ପାଇଁ ଜଣାଶୁଣା । ଆମର ବର୍ତ୍ତମାନର ଆଉଟଲେଟ୍ ଗୁଡିକରେ ଅଧିକ ମାତ୍ରାରେ ଗ୍ରାହକ ସମର୍ଥନ ପାଉଛୁ । ଏହି ଯାତ୍ରା ଜାରି ରଖି ଆମେ ଓଡିଶା ବଜାରରେ ପ୍ରବେଶ କରିବାକୁ ଯୋଜନା କରିଥିଲୁ । ଓଡିଶାରେ ଏହା ପ୍ରଥମ ଆଉଟ୍ଲେଟ୍ ଏବଂ ଓଡିଶାରେ ବିଭିନ୍ନ ସହରରେ ଅଧିକ ଆଉଟ୍ଲେଟ୍ ସହ ବିସ୍ତାର କରିବାକୁ ଯୋଜନା ରଖିଛୁ ବୋଲି ଶ୍ରୀ ବିବେକ କହିଛନ୍ତି ।
ଶ୍ୟାମଳା ଡ୍ରାଏ ଫ୍ରୁଟ୍ସ୍ ଆଉଟଲେଟ୍ରେ ସବୁ ପ୍ରକାର ପ୍ରିମିୟମ୍ ଡ୍ରାଏ ଫ୍ରୁଟ୍ସ୍ ନ୍ୟୁଟ୍ରିସନ୍ଯୁକ୍ତ ପ୍ରଡକ୍ଟ ସହ ସ୍ୱାଦିଷ୍ଟ ଚକୋଲେଟ୍ ପାଇଁ ଏକ ସର୍ବୋତ୍ତମ ଅତ୍ୟାଧୁନିକ ଆଉଟ୍ଲେଟ୍ । ଏହା ସ୍ୱଚ୍ଛତା ଏବଂ ଗୁଣବତ୍ତା ବଜାୟ ରଖିଥାଏ । ଏହା ସବୁ ପ୍ରକାର ଆମଦାନୀ /ଘରୋଇ ଶୁଖିଲା ଫଳ, ଘରେ ପ୍ରସ୍ତୁତ ହୋଇଥିବା ଚକୋଲେଟ୍, କୁକିଜ୍ ଇତ୍ୟାଦି ପାଇଁ ଏହାର ଗୋଟିଏ ମାତ୍ର ଉପଯୁକ୍ତ ସ୍ଥାନ ।
