ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର : ବଦଳିଲେ ଉଚ୍ଚଶିକ୍ଷା ବିଭାଗ ସଚିବ । ମନ୍ତ୍ରୀ ପଦରୁ ରୋହିତ ପୂଜାରୀଙ୍କୁ ହଟାଯାଇଥିବା ବେଳେ ବିଭାଗର ପ୍ରମୁଖ ଶାସନ ସଚିବ ବିଷ୍ଣୁପଦ ସେଠା ମଧ୍ୟ ବଦଳିଛନ୍ତି । ୨୦୦୭ ବ୍ୟାଚ ଆଇଏଏସ୍ ଅରବିନ୍ଦ ଅଗ୍ରୱାଲଙ୍କୁ ଉଚ୍ଚଶିକ୍ଷା ବିଭାଗର ସଚିବ ନିଯୁକ୍ତ କରାଯାଇଛି । ଖାଲି ସେତିକି ନୁହେଁ, ଓଡ଼ିଶା ହାଇଡ୍ରୋ ପାର କର୍ପୋରେସନ ଲି (ଓଏଚପିସି) ଅଧ୍ୟକ୍ଷ ପଦରୁ ବିଷ୍ଣୁପଦଙ୍କୁ ବଦଳି କରାଯାଇଛି । ବିଷ୍ଣୁପଦ ଏହାର ଅତିରିକ୍ତ ଦାୟିତ୍ବରେ ଥିଲେ। ଅର୍ଥ ବିଭାଗର ପ୍ରମୁଖ ଶାସନ ସଚିବ ବିଶାଳ କୁମାର ଦେବଙ୍କୁ ଓଏଚପିସି ଅଧ୍ୟକ୍ଷ ଭାବେ ଦୁଇଟି ଗୁରୁତ୍ଵପୂର୍ଣ୍ଣ ପଦରୁ କଳସିବା ପରେ ଶ୍ରୀ ସେଠୀଙ୍କୁ ସାଧାରଣ ପ୍ରଶାସନ ବିଭାଗର ଓଏସ୍ ( ଅଫିସର ଅନ୍ ସ୍ପେଶାଲ ଡ୍ୟୁଟି) ଭାବେ ନିଯୁକ୍ତ କରାଯାଇଛି ।
ଉଚ୍ଚଶିକ୍ଷା ବିଭାଗର ନୂଆ ସଚିବ ଭାବେ ନିଯୁକ୍ତ ହୋଇଥିବା ଅରବିନ୍ଦ ଅରବିନ୍ଦ ଅଗ୍ରୱାଲଙ୍କୁ ବର୍ତ୍ତମାନ ମହିଳା ଓ ଶିଶୁ କଲ୍ୟାଣ ବିଭାଗର ସମାଜ କଲରୀ ନିର୍ଦ୍ଦେଶକ ପଦବି ସହ ମହିଳା ସମବାୟ ନିଗମର ପରିଚାଳନା ନିର୍ଦ୍ଦେଶକ ଏବଂ ଗ୍ରାମ୍ୟ ଉନ୍ନୟନ ବିଭାଗର ନିର୍ଦ୍ଦେଶକ ପଦବିରେ ଅଛନ୍ତି । ସେ ଏବେ ଉଚ୍ଚଶିକ୍ଷା ବିଭାଗ ସଚିବ ପଦବି ସହ ଅତିରିକ୍ତ ଦାୟିତ୍ବ ମାନେ ଗ୍ରାମ୍ୟ ଉନ୍ନୟନ ବିଭାଗର ନିର୍ଦ୍ଦେଶକ ଦୟିତ୍ବ ତୁଲାଇବେ। ଏ ନେଇ ଆଜି ସାଧାରଣ ପ୍ରଶାସନ ବିଭାଗ ପକ୍ଷରୁ ଏକ ବିଜ୍ଞପ୍ତି ପ୍ରକାଶ ପାଇଛି ।
