ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର : ଭୁବନେଶ୍ୱରରେ ଯନ୍ତ୍ରଣା ଦେଉଛି ବିଦ୍ୟୁତକାଟ । ବାରମ୍ବାର କଟାଯାଉଛି ବିଦ୍ୟୁତ। ତାହା ପୁଣି ଘଂଟା ଘଂଟା । ଲାଇନ୍ ରହୁନଥିବାରୁ ଲୋକେ ଅସହ୍ୟ ଗରମ ଓ ଗୁଳୁଗୁଳିରେ ନାହିଁନଥିବା ଅସୁବିଧା ଭୋଗୁଛନ୍ତି ।
ଭୁବନେଶ୍ୱର କଳିଙ୍ଗ ବିହାରରୁ ଏପରି ଚିତ୍ର ସାମ୍ନାକୁ ଆସିଛି । ଦୀର୍ଘ ସମୟ ଲାଇନ୍ ନଆସିବାରୁ ରାତି ଅଧରେ ଇଲେକ୍ଟ୍ରି ଅଫିସରେ ପହଂଚିଥିଲେ ଲୋକେ । ଇଲେକ୍ଟ୍ରି ଅଫିସରରେ ହଙ୍ଗାମା ଦେଖିବାକୁ ମିଳିଥିଲା । ଲୋକେ ଇଲେକ୍ଟ୍ରି ଅଫିସରରେ ପହଂଚିବା ବେଳକୁ କର୍ମଚାରୀ ନିଶାସକ୍ତ ଅବସ୍ଥାରେ ଶୋଇଥିବା ଅଭିଯୋଗ କରିଛନ୍ତି । ଏବେ ରାଜଧାନୀରେ ଅସହ୍ୟ ଗରମ ଅନୁଭୂତ ହେଉଛି । ଗରମ ସହ ଗୁଳୁଗୁଳି ଲୋକଙ୍କ ଯନ୍ତ୍ରଣାକୁ ଅଧିକ ବଢାଇ ଦେଇଛି । ଏପରି ସମୟରେ ବିଦ୍ୟୁତ୍ କାଟ ଯୋଗୁ ଲୋକେ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି । କେବଳ କଳିଙ୍ଗ ବିହାର ନୁହେଁ, ରାଜଧାନୀର ଅନେକ ସ୍ଥାନରେ ଏପରି ବିଦ୍ୟୁତକାଟ ହେଉଥିବା ଅଭିଯୋଗ ହୋଇଛି ।
