ସନ୍ଷ୍ଟାର ଟିଭି ବ୍ୟୁରୋ
ଭୁବନେଶ୍ଵର: ଆଜିଠୁ ଖୋଲିବାକୁ ଯାଉଛି ରାଜ୍ୟ ଜନଜାତି ସଂଗ୍ରହାଳୟ । କରୋନା କଟକଣାକୁ ମାନି ସଂଗ୍ରହାଳୟକୁ ଖୋଲିବାକୁ ନିର୍ଦ୍ଦେଶ ଦିଆଯାଇଛି ।ସଂଗ୍ରହାଳୟ ପ୍ରବେଶ କରିବା ପୂର୍ବରୁ ସମସ୍ତ ଦର୍ଶକ ମୁହଁରେ ମାକ୍ସ ପିନ୍ଧିବା ସହିତ ହାତକୁ ସାନିଟାଇଜର ବ୍ୟବହାର କରିବା ବାଧ୍ୟତାମୂଳକ ଅଟେ ।
ତେବେ ସଂଗ୍ରହାଳୟ ଭିତରେ ପ୍ରତ୍ୟେକ ଦର୍ଶକ ସେମାନଙ୍କ ମଧ୍ୟରେ ୧୦ ଫୁଟ ଦୂରତା ରକ୍ଷା କରିବେ । ଏକା ସାଙ୍ଗରେ ମାତ୍ର ୧୦ ଜଣକୁ ପ୍ରବେଶ କରିବା ପାଇଁ ଅନୁମତି ମିଳିବ । ୧୪ ବର୍ଷରୁ କମ ବୟସର ପିଲା ଓ ୬୫ ବର୍ଷରୁ ଉର୍ଦ୍ଧ ବୟସ୍କ ବ୍ୟକ୍ତିଙ୍କୁ ସଂଗ୍ରହାଳୟ ମଧ୍ୟକୁ ପ୍ରବେଶ କରିବା ପାଇଁ ଅନୁମତି ମିଳିବ ନାହିଁ । ସୋମବାରଠୁ ଶୁକ୍ରବାର ପର୍ଯ୍ୟନ୍ତ ଦିନ ୧୦ରୁ ସନ୍ଧ୍ୟା ୫ଟା ୩୦ ମିନିଟ ଯାଏଁ ଖୋଲା ରହିବ ସଂଗ୍ରହାଳୟ । କରୋନା ମହାମାରୀ ପାଇଁ ଦୀର୍ଘ ଦିନ ଧରି ବନ୍ଦ ରହିଥିଲା ରାଜ୍ୟ ଜନଜାତି ସଂଗ୍ରହାଳୟ ।
