ସନଷ୍ଟାର ଟିଭି ବ୍ୟୁରୋ
ପୁରୀ : ସ୍ଥାନୀୟ ପୁରୀ କ୍ଲବ ପରିସରରେ ପୁରୀ ଫୋଟୋ ଭିଡିଓ ଆଣ୍ଡ ଟ୍ରେଡ଼ର୍ସ ଆସୋସିଏସନ ସଂଘର ନିର୍ବାଚନ ହୋଇଯାଇଛି। ଏହି ନିର୍ବାଚନରେ ପୁରୀ ଜିଲ୍ଲାର ସମସ୍ତ ଫୋଟୋଗ୍ରାଫର ନିଜର ମତଦାନ କରିଥିଲେ। ତେବେ ସଭାପତି, ଉପସଭାପତି ଓ ସମ୍ପାଦକ ପାଦ ନିମନ୍ତେ ମୋଟ ୬ ଜଣ ନାମାଙ୍କନ କରିଥିଲେ। କିନ୍ତୁ ଫୋଟୋ ଭିଡିଓ ଆଣ୍ଡ ଟ୍ରେଡ଼ର୍ସ ଆସୋସିଏସନର ସଦସ୍ୟ ମାନଙ୍କ ମତାମତ ଅନୁଯାଇ ସଭାପତି ଭାବେ ମିଥୁନ କୁମାର ଜେନା, ଉପସଭାପତି ସୁଦୀପ୍ତ ମିଶ୍ର ଏବଂ ସମ୍ପାଦକ ସୁକାନ୍ତ ସାହୁ ମନୋନୀତ ହୋଇଛନ୍ତି। ଅନ୍ୟପଟେ ସହ ସମ୍ପାଦକ ରଜତ ରାମ ଅଭିଷେକ ମହାନ୍ତି ଓ କୋଷାଦକ୍ଷ ସୂର୍ଯ୍ୟକାନ୍ତ ସ୍ୱାଇଁ ଅପ୍ରତିଦ୍ୱନ୍ଦୀ ଭାବେ ନିର୍ବାଚିତ ହୋଇଛନ୍ତି। ଉକ୍ତ ନିର୍ବାଚନକୁ ସଂଘର ଆଇନ ପରାମର୍ଶ ଦାତା ଆତ୍ମାରଞ୍ଜନ ମହାନ୍ତିଙ୍କ ସମେତ ସଂଘର ତତ୍କାଳୀନ ସଭାପତି ରବି ନାରାୟଣ ମହାନ୍ତି ପରିଚାଳନା କରିଥିଲେ।
