ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର: ଆଜି ବର୍ଷର ଶେଷଦିନ ।ରାତି ପାହିଲେ ବଦଳିଯାଇଥିବ କ୍ୟାଲେଣ୍ଡର । ବିଦାୟ ନେବ ୨୦୨୨ ଆଉ ଆସିବ ନୂଆବର୍ଷ ୨୦୨୩ । ସଜେଇ ହେଲାଣି ସାରା ସହର | ଡିଜେ ଓ ଡ୍ୟାନ୍ସରେ ଝୁମିବେ ଜନସାଧାରଣ | ସେପଟେ ଗତ ଦୁଇବର୍ଷ କରୋନା ପାଇଁ ଫିକା ପଡ଼ିଥିଲା ନ୍ୟୁ ଇୟର ସେଲିବ୍ରେସନ । ହେଲେ ଚଳିତବର୍ଷ ସେଭଳି ସ୍ଥିତି ନଥିବାରୁ ଜମିବ ସେଲିବ୍ରେସନ। ଏଥର ଧୁମଧାମରେ ପାଳନ ହେବ ନୂଆବର୍ଷ |
ଏଥିପାଇଁ କମିଶନରେଟ ପୋଲିସ କଟକଣା ଜାରି କରିଛି | ହୋଟେଲ ନିକଟରେ ସ୍ବତନ୍ତ୍ର ପୋଲିସ ନିୟୋଜିତ ହେବେ । ଖୋଲାସ୍ଥାନରେ କାର୍ଯ୍ୟକ୍ରମ ଆୟୋଜନ କରୁଥିଲେ ରାତି ୧୦ ଟା ଓ ହୋଟେଲ ଭିତରେ ରାତି ୧୨ଟା ପର୍ଯ୍ୟନ୍ତ ଅନୁମତି ଦେଇଛି ପୋଲିସ । ତେବେ ସୁରକ୍ଷା ଲାଗି ୧୩ ପ୍ଲାଟୁନ ପୋଲିସ ଫୋର୍ସ ମୁତୟନ ହେବେ। ୧୭ ଟି ସ୍ଥାନରେ ଚେକ ପୋଷ୍ଟ କରାଯାଇ ମଦ୍ୟପଙ୍କ ଉପରେ ରହିବ ନଜର ।
ରିପୋର୍ଟ : ଦୀପା ପ୍ରଧାନ
