ସନଷ୍ଟାର ଟିଭି ବ୍ୟୁରୋ
ମୁମ୍ବାଇ: ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ସାଉଥ୍ ଇଣ୍ଡଷ୍ଟ୍ରିର ଲୋକପ୍ରିୟ ଅଭିନେତ୍ରୀ ଅନୁଷ୍କା ସେଟ୍ଟୀ | ଅନୁଷ୍କା ସାଉଥ୍ ଇଣ୍ଡଷ୍ଟ୍ରିର ଜଣେ ଲୋକପ୍ରିୟ ଅଭିନେତ୍ରୀ | ସେ ଅନେକ ଚଳଚିତ୍ରରେ କାମ କରିଥିବା ବେଳେ ‘ବାହୁବଳୀ’ ଚଳଚ୍ଚିତ୍ରରୁ ଅନୁଷ୍କା ଇଣ୍ଡଷ୍ଟ୍ରିରେ ଏକ ସ୍ବତନ୍ତ୍ର ପରିଚୟ ସୃଷ୍ଟି କରିପାରିଥିଲେ |
ସେପଟେ ଅନୁଷ୍କାଙ୍କ ବିବାହକୁ ନେଇ ଏଇ କିଛିଦିନ ହେବ ଚର୍ଚ୍ଚା ଜୋର ଧରିଛି।କେବେ ଓ କାହାକୁ ବିବାହ କରିବେ ସେ ଅପେକ୍ଷାର ଅଛନ୍ତି ଅନୁଷ୍କାଙ୍କ ପ୍ରଶଂସକ | ତେବେ ଏହି ଖବର ପୂର୍ବରୁ ଅନୁଷ୍କାଙ୍କ ନାମ ଅନେକ ପୁରୁଷଙ୍କ ସହିତ ଯୋଡ଼ା ଯାଇଥିଲା। ଏହାକୁ ନେଇ ଅନୁଷ୍କା କହିଥିଲେ, ‘ମୁଁ ଯେତେବେଳେ ବିବାହ କରିବି, ନିଶ୍ଚିତ ଭାବରେ ସମସ୍ତଙ୍କୁ ଜଣାଇବି। କେବେ ହେଲେ ଲୁଚି କି ବିବାହ କରିବି ନାହିଁ।’
ସୂଚନା ଅନୁଯାୟୀ, ଅନୁଷ୍କା ସେଟ୍ଟୀ ତେଲୁଗୁ ଚଳଚ୍ଚିତ୍ର ଇଣ୍ଡଷ୍ଟ୍ରିର ଲୋକପ୍ରିୟ ନିର୍ଦ୍ଦେଶକଙ୍କୁ ବିବାହ କରିବେ। ଯାହାଙ୍କ ସହ ସେ ଦୁଇଟି ହିଟ ଫିଲ୍ମ କରିଥିବା କୁହାଯାଉଛି।
ରିପୋର୍ଟ : ଦୀପା ପ୍ରଧାନ
