ସନ୍ଷ୍ଟାର ଟିଭି ବ୍ୟୁରୋ
ଛତିଶଗଡ: ଛତିଶଗଡର ରାଇଗଡରେ ଏକ କୁକୁରକୁ ମିଳିଛି ଶ୍ରେଷ୍ଠ ପୋଲିସ କର୍ମଚାରୀ ସମ୍ମାନ । ସେହି ସନ୍ଧାନୀ କୁକୁରର ନାମ ହେଉଛି ରୁବି । ତେବେ କିଛି ଦିନ ତଳେ ରାଇଗଡରେ ପ୍ରାୟ ୬ ଲକ୍ଷ ଟଙ୍କାର ରୂପା ଗହଣା ଚୋରି ହୋଇଥିଲା । ପୋଲିସ ଯେତେ ଖୋଳତାଡ କରିଥିଲେ ମଧ୍ୟ କୌଣସି ସୁରାକ ପାଇପାରିନଥିଲା । କିନ୍ତୁ ସନ୍ଧାନୀ କୁକୁର ରୁବି ସାହାଯ୍ୟରେ ପୋଲିସ ସେହି ରୂପା ଗହଣା ପାଇବା ସହିତ ଚୋରକୁ ମଧ୍ୟ ଧରିବାରେ ସକ୍ଷମ ହୋଇଥିଲା । ତେବେ ରୁବି ସହ ଥିବା ପୋଲିସ କର୍ମଚାରୀମାନଙ୍କୁ ମଧ୍ୟ ଏହି ସମ୍ମାନରେ ସମ୍ମାନୀତ କରାଯାଇଛି । ଏହି କେସ ଛଡା ମଧ୍ୟ ରୁବି ଆହୁରି ଅନେକ ଜଟିଳ କେସ ସମାଧାନର ସୁରାକ ଯୋଗାଇଛି ବୋଲି ସୂଚନା ଦେଇଛନ୍ତି ରାଇଗଡ ଏସ୍ପି । ଏହି ସମ୍ମାନର ସମ୍ମାନୀତ ହେବା ହୋଇଥିବାରୁ ରାଇଗଡର ସବୁ ପୋଲିସ ଷ୍ଟେସନରେ ରୁବୀର ଛବି ରହିବ ।
