ସନଷ୍ଟାର ଟିଭି ବ୍ୟୁରୋ
ଅଷ୍ଟ୍ରେଲିଆ: ଅଷ୍ଟ୍ରେଲିଆରେ ଗିରଫ ହେଲେ ଶ୍ରୀଲଙ୍କା କ୍ରିକେଟର । ଦୁଷ୍କର୍ମ ମାମଲାରେ ସିଡନୀ ପୋଲିସ କ୍ରିକେଟର ଧନୁଷ୍କା ଗୁନାତିଲକାଙ୍କୁ ଗିରଫ କରିଛି । ଟି-୨୦ ବିଶ୍ୱକପ୍କୁ ନେଇ ଫ୍ୟାନ୍ସଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି। ଏବେ ସମସ୍ତଙ୍କ ନଜର ଫାଇନାଲ୍ ମ୍ୟାଚ୍ ଉପରେ। ଅଷ୍ଟ୍ରେଲିଆରେ ମ୍ୟାଚ୍ ଚାଲିଥିବା ବେଳେ କ୍ରିକେଟ ଜଗତ ସହ ଜଡ଼ିତ ଏକ ଲଜ୍ଜାକର ଘଟଣା ସାମ୍ନାକୁ ଆସିଛି। ଦାନୁଷ୍କା ହୋଟେଲ୍ ରୁମ୍ରେ ଥିବାବେଳେ ରବିବାର ବିଳମ୍ବିତ ରାତି ପ୍ରାୟ ୧ଟା ସମୟରେ ପୋଲିସ୍ ତାଙ୍କୁ ଗିରଫ କରିଥିଲା।
ସୂଚନା ଅନୁସାରେ, ଜଣେ ମହିଳା ଦାନୁଷ୍କାଙ୍କ ବିରୋଧରେ ଦୁଷ୍କର୍ମ ଅଭିଯୋଗ ଆଣିଛନ୍ତି। ସିଡ୍ନୀରେ ଏକ ଘର ଭିତରେ ଜଣେ ୨୯ ବର୍ଷୀୟ ମହିଳାଙ୍କ ସହ ଦାନୁଷ୍କା ଜୋର ଜବରଦସ୍ତ ସମ୍ପର୍କ ସ୍ଥାପନ କରିଥିଲେ। ଏନେଇ ମହିଳାଙ୍କ ଅଭିଯୋଗ ଆଧାରରେ ପୋଲିସ୍ ମାମଲାର ତଦନ୍ତ ଚଳାଇଥିଲା ଓ ଶେଷରେ ଦାନୁଷ୍କାଙ୍କୁ ଗିରଫ କରିଥିଲା। ଗିରଫ ପରେ ଜାମିନ ଆବେଦନ ମଧ୍ୟ କରାଯାଇଥିଲା। ହେଲେ ଏହାକୁ ଖାରଜ କରି ଦିଆଯାଇଥିଲା।
ସୂଚନା ଅନୁଯାୟୀ ,ଇଂଲଣ୍ଡ ଠାରୁ ପରାଜିତ ହେବା ପରେ ରବିବାର ସକାଳେ ଧନୁଷ୍କାଙ୍କ ବିନା ଅଷ୍ଟ୍ରେଲିଆରୁ ଉଡାଣ ଭରିଛି ଶ୍ରୀଲଙ୍କା ଟିମ୍ । ଗୁନାତିଲକା ଶ୍ରୀଲଙ୍କା ଟି-୨୦ରେ ସାମିଲ ହୋଇଥିଲେ ହେଲେ ଆହତ କାରଣରୁ କୌଣସି ମ୍ୟାଚ୍ ଖେଳିପାରିନଥିଲେ । ତାଙ୍କୁ ଦେଶକୁ ନ ପଠାଇ ଟିମ୍ ସହ ଯୋଡି ରଖିଥିଲା ଦଳ। ଠିକ ସେହି ସମୟରେ ସିଡନୀ ପୋଲିସ ଧନୁଷ୍କାଙ୍କୁ ଗିରଫ କରିଛି |
ରିପୋର୍ଟ: ଦୀପା ପ୍ରଧାନ
