ଧାମନଗର ଉପ-ନିର୍ବାଚନ ; ବିଜେପି ବିରୁଦ୍ଧରେ ନିର୍ବାଚନ କମିଶନରଙ୍କ ନିକଟରେ ଫେରାଦ ହେଲା ବିଜେଡି

ସନଷ୍ଟାର ଟିଭି ବ୍ୟୁରୋ

ଭଦ୍ରକ ; ଧାମନଗର ଉପ-ନିର୍ବାଚନ କୁ ନେଇ ଉଭୟ ବିଜେପି ଓ ବିଜେଡି ପରସ୍ପର ଉପରେ ଅନୈତିକ କାର୍ଯ୍ୟକଳାପ କୁ ନେଇ ଆରୋପ ଲଗେଇଆସୁଛନ୍ତି । ଏହିକ୍ରମରେ ଆଜି ବିଜେପି ବିରୁଦ୍ଧରେ ନିର୍ବାଚନ କମିଶନଙ୍କୁ ଭେଟିଛି ବିଜୁ ଜନତା ଦଳ । ଧାମନଗର ଉପ-ନିର୍ବାଚନ ପ୍ରଚାର ବେଳେ ବିଜେପି ର ଅନୈତିକ କାର୍ଯ୍ୟ ଏବଂ ନିର୍ବାଚନ ପ୍ରୋଟୋକଲ ଉଲଙ୍ଘନ ଅଭିଯୋଗ ନେଇ ନିର୍ବାଚନ କମିଶନଙ୍କୁ ଫେରାଦ ହୋଇଛି ବିଜେଡି, ଟଙ୍କା ବଣ୍ଟନ ଠାରୁ ଆରମ୍ଭ କରି SHG ମହିଳାଙ୍କୁ ଅପମାନିତ କରିବା ସହ ସ୍ଥାନୀୟ ପ୍ରଶାସନ ଉପରେ ଚାପ ସୃଷ୍ଟି କରୁଛି ଭାରତିୟ ଜନତା ଦଳ । ବିଜେପିର ଏଭଳି ଅସଦାଚରଣ କୁ ବରଦାସ୍ତ ନକରି ପାରି ଦିଲ୍ଲୀ ରେ ନିର୍ବାଚନ କମିଶନରଙ୍କୁ ଭେଟିଛି ବିଜେଡିର ଏକ ପ୍ରତିନିଧି ଦଳ ।

ରାଜ୍ୟସଭା ସାଂସଦ ସସ୍ମିତ ପାତ୍ର, ରାଜ୍ୟସଭା ସାଂସଦ ନିରଞ୍ଜନ ବିଶି, ସାଂସଦ ମୁନା ଖାଁ ଏବଂ ସାଂସଦ ଚନ୍ଦ୍ରଶେଖର ସାହୁ ନିର୍ବାଚନ କମିଶନରଙ୍କୁ ଭେଟି ବିଜେପି ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ନେବା ପାଇଁ ଦାବି କରିଛନ୍ତି ।

ରିପୋର୍ଟ ; ସ୍ମୃତିରେଖା