ସନଷ୍ଟାର ଟିଭି ବ୍ୟୁରୋ
ମେଲବୋର୍ଣ୍ଣ : ଟି୨୦ ବିଶ୍ୱକପ୍ ଜିତିଲା ଭାରତ | ଦୀପାବଳିରେ ଦେଶକୁ ପାକିସ୍ତାନ ବିପକ୍ଷରେ ଦେଲେ ବିଜୟର ଉପହାର । ମେଲବୋର୍ଣ୍ଣରେ ହାଇଭୋଲଟେଜ୍ ଭାରତ-ପାକିସ୍ତାନ ମ୍ୟାଚ୍ରେ ବଦ୍ଲା ନେଲା ଭାରତ । ପାକିସ୍ତାନକୁ ହରାଇ ଭାରତ ନେଲା ଏସିଆ କପ୍ ପରାଜୟର ବଦ୍ଲା । ପାକିସ୍ତାନକୁ ୪ ଓ୍ୱିକେଟ୍ରେ ହରାଇଲା ଭାରତ । ଶେଷ ଭାଗରେ ଅବିଶ୍ୱସନୀୟ ବ୍ୟାଟିଂ ପ୍ରଦର୍ଶନ କରି ଦଳକୁ ଜିତାଇଲେ କୋହଲି । ମ୍ୟାଚ ବିଜୟୀ ୮୨ ରନ୍ର ଧୂଆଁଧାର ଇନିଂସ ଖେଳି ୯୦ ହଜାରରୁ ଊର୍ଦ୍ଧ୍ୱ ଦର୍ଶକଙ୍କ ମନ ଜିଣିଲେ କୋହଲି । ୫୩ଟି ବଲ୍ରୁ ୬ ଚଉକା, ୪ ଛକା ସହାୟତାରେ ଅପରାଜିତ ୮୨ ରନ୍ କରି ପାକିସ୍ତାନ ହାତରୁ ଛଡ଼ାଇ ଆଣିଲେ ମ୍ୟାଚ୍ । ୩୧ ରନ୍ରେ ଚତୁର୍ଥ ଓ୍ୱିକେଟ ପତନ ସତ୍ତ୍ୱେ ଭାରତ ପାଇଥିଲା ରୋମାଞ୍ଚକର ବିଜୟ । କେଏଲ୍ ରାହୁଲ ଆରମ୍ଭରୁ ୮ ଟି ବଲ୍ ଖେଳି ୪ ରନ୍ କରି ପ୍ୟାଭିଲିୟନ୍ ଫେରିଥିବା ବେଳେ ରୋହିତ ଶର୍ମା ମଧ୍ୟ ଫ୍ଲପ୍ ହୋଇଥିଲେ । ସେ ମଧ୍ୟ ୭ ବଲ ଖେଳି ୪ ରନ୍ କରି ପ୍ୟାଭିଲିୟନ୍ ଫେରିଥିଲେ ।
ତେବେ ମ୍ୟାଚ୍ର ଶେଷ ଓଭର ସାଜିଥିଲା ଟର୍ଣ୍ଣିଂ ପଏଣ୍ଟ । ଶେଷ ଓଭରେ ପାକିସ୍ତାନ ବୋଲରଙ୍କ ନୋ ବଲ୍ ଯୋଗୁଁ ଭାରତ ପାଇଥିଲା ଫ୍ରି-ହିଟ୍ । ପାକିସ୍ତାନ ବିପକ୍ଷରେ ବିଜୟକୁ ନେଇ ସାରା ଦେଶ ଏବେ ଉତ୍ସବ ମୁଖର ।
ରିପୋର୍ଟ ; ଦୀପା ପ୍ରଧାନ
