ସନଷ୍ଟାର ଟିଭି ବ୍ୟୁରୋ
ମୁମ୍ବାଇ: ବଲିଉଡ୍ର ବରିଷ୍ଠ ଅଭିନେତ୍ରୀ ଆଶା ପାରେଖଙ୍କୁ ମିଳିବ ଦାଦା ସାହେବ ଫାଲ୍କେ ଆୱାର୍ଡ। ହିନ୍ଦୀ ସିନେମାରେ ତାଙ୍କର ଉଲ୍ଲେଖନୀୟ ଅବଦାନ ପାଇଁ ଏହି ଆୱାର୍ଡ ତାଙ୍କୁ ଦିଆଯିବ।କେନ୍ଦ୍ରୀୟ ସୂଚନା ଏବଂ ପ୍ରସାରଣ ମନ୍ତ୍ରୀ ଅନୁରାଗ ଠାକୁର ଏହିସୂଚନା ଦେଇଛନ୍ତି |ଆଶା ୯୫ରୁ ଅଧିକ ଫିଲ୍ମରେ କାମ କରି ସାରିଛନ୍ତି। ତାଙ୍କୁ ପଦ୍ମଶ୍ରୀ ସମ୍ମାନରେ ବି ସମ୍ମାନିତ କରାଯାଇଛି। ତେଣୁ କେନ୍ଦ୍ର ମନ୍ତ୍ରୀ ଅନୁରାଗ ଦେଇଥିବା ସୂଚନାନୁସାରେ ତାଙ୍କୁ ଆଗାମୀ ୩୦ ତାରିଖରେ ଏହି ଆୱାର୍ଡରେ ସମ୍ମାନିତ କରାଯିବ।
‘କଟି ପତଙ୍ଗ’, ‘ଉପକାର’, ‘ମେଁ ତୁଲସୀ ତେରି ଆଙ୍ଗନ କୀ’, ‘ଦୋ ବଦନ’, ‘କାରବା’, ‘ଚିରାଗ’, ‘ଜଲୱା’, ‘ଆଧା ଦିନ୍ ଆଧା ରାତି’, ‘ପ୍ରେମ ବିବାହ’, ‘ଘର୍କୀ ଇଜ୍ଜତ’ ଇତ୍ୟାଦି ସିନେମାରେ ଆଶା ଅଭିନୟ କରିଛନ୍ତି |
ରିପୋର୍ଟ : ଦୀପା ପ୍ରଧାନ
