ସନଷ୍ଟାର ଟିଭି ବ୍ୟୁରୋ
ଚାନ୍ଦବାଲି : ଆଜି ଭଦ୍ରକ ଜିଲ୍ଲା ର ଧାମରା ଏବଂ ଆରଡ଼ି ର ବାବା ଆଖଣ୍ଡଳମଣୀ ପୀଠ ଗସ୍ତରେ ଆସୁଛନ୍ତି ମୁଖ୍ୟ ଶାସନ ସଚିବ ଏବଂ 5T ସଚିବ l ପ୍ରଥମେ ଅପରାହ୍ନ ୩ ଟା ରେ ଧାମରା ରେ ପହଞ୍ଚି ଧାମରା ପୋର୍ଟ ରେ ସମୀକ୍ଷା କରିବା ସହ ଧାମରା – ଜାମଯୋଡି ରାସ୍ତାର ଅଗ୍ରଗତି ସହ ଧାମରା ରେ ବସଷ୍ଟାଣ୍ଡ ଓ ଏକ ପାର୍କ ବାବଦରେ ଆଲୋଚନା କରିବାର କାର୍ଯ୍ୟକ୍ରମ ରହିଛି l ପରେ ଅପରାହ୍ନ ୪:୩୦ ମିନିଟରେ ହେଲିକେପ୍ଟର ରେ ଆରଡ଼ିରେ ପହଞ୍ଚିବେ l ଆରଡ଼ିରେ ପହଞ୍ଚିବା ପରେ ବାବା ଆଖଣ୍ଡଳମଣୀ ମନ୍ଦିରରେ ପୂଜାର୍ଚନା କରିବା ପରେ ସେବାୟତ ଙ୍କ ସହ ପୀଠର ଉନ୍ନତିମୂଳକ କାର୍ଯ୍ୟ ବାବଦରେ ଆଲୋଚନା କରିବେ l
ତାସହ ପୀଠରେ ମାଷ୍ଟରପ୍ଲାନ କାର୍ଯ୍ୟକାରୀ ହେଲେ କେତେ ସେବାୟତ ପରିବାର ଙ୍କୁ ଉଛେଦ କରାଯିବ, ମନ୍ଦିର ଭିତର ଏବଂ ବାହାର ରୂପରେଖ କି ପ୍ରକାର ହେବ ସେ ବାବଦରେ ଜିଲ୍ଲା ପ୍ରଶାସନ ତରଫରୁ ସ୍କେଚ ମ୍ୟାପ ଦେଖାଯିବାର କାର୍ଯ୍ୟକ୍ରମ ରହିଛି l ତେଣୁ ମୁଖ୍ୟ ଶାସନ ସଚିବ ଓ 5T ସଚିବ ଙ୍କ ଗସ୍ତ ପାଇଁ ଜିଲ୍ଲାପାଳ, ଉପଜିଲ୍ଲାପାଳ, ପି. ଡି, ତହସିଲଦାର, ବିଡିଓ ଆରଡ଼ିରେ ପହଞ୍ଚି ବିଭିନ୍ନ କାର୍ଯ୍ୟକ୍ରମ ଦେଖିବା ସହ ସେବାୟତ ଙ୍କ ସହ ଆଲୋଚନା କରିଛନ୍ତି |
ରିପୋର୍ଟ – ପ୍ରଶାନ୍ତ କୁମାର ପାଣି
