ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର :ନବୀନଙ୍କୁ ଜୀବନବ୍ୟାପୀ ସାଧନା ସମ୍ମାନ। ଶ୍ରେଷ୍ଠ ସମ୍ମାନ ନେଇ ଆଜି ଫେରିବେ ମୁଖ୍ୟମନ୍ତ୍ରୀ। ଶୁଭେଚ୍ଛା ଜଣାଇବାକୁ ଓଡ଼ିଶା ପ୍ରସ୍ତୁତ। ସ୍ବାଗତ ପାଇଁ ସଜେଇ ହୋଇଛି ବିମାନବନ୍ଦରରୁ ନବୀନ ନିବାସ।
ଦିନ ୧୧ଟାରେ ଭୁବନେଶ୍ୱର ବିମାନ ବନ୍ଦରରେ ପହଞ୍ଚିବେ ମୁଖ୍ୟମନ୍ତ୍ରୀ । ମୁଖ୍ୟମନ୍ତ୍ରୀଙ୍କୁ ସ୍ୱାଗତ କରିବାକୁ ସ୍ୱତନ୍ତ୍ର ଆୟୋଜନ ପ୍ରସ୍ତୁତ କରିଛି ବିଜେଡି । ୨୫ ବର୍ଷ ହେଲା ଓଡ଼ିଶାବାସୀଙ୍କ ସେବା କରୁଥିବା ମହାନାୟକଙ୍କ ସ୍ୱାଗତ ପାଇଁ ଭୁବନେଶ୍ୱର ବିମାନବନ୍ଦରରୁ ନବୀନ ନିବାସ ପର୍ଯ୍ୟନ୍ତ ସାଜସଜ୍ଜା କରାଯାଇଛି । ଗୋଟିପୁଅ ନାଚ, ଯୋଡ଼ିଶଙ୍ଖ, ଢେମସା, ସମ୍ବଲପୁରୀ, ଘୁମୁରା ନୃତ୍ୟ ପରିବେଷଣ କରାଯିବ । କେନ୍ଦୁଝର ଓ ମୟୂରଭଞ୍ଜରୁ ପାରମ୍ପରିକ ନାଚଗୀତ ପ୍ରଦର୍ଶିତ କରିବେ କଳାକାର ।ମୁଖ୍ୟମନ୍ତ୍ରୀଙ୍କୁ ସ୍ୱାଗତ କରିବା ପାଇଁ ରାଜ୍ୟର ବିଭିନ୍ନ ନିର୍ବାଚନମଣ୍ଡଳୀରୁ ୫୦ହଜାରରୁ ଅଧିକ ବିଜେଡି ନେତା ଓ କର୍ମୀ ଯୋଗଦେବାର କାର୍ଯ୍ୟକ୍ରମ ରହିଛି । ହଜାର ହଜାର ଲୋକଙ୍କ ସମାଗମ ପାଇଁ ସ୍ୱତନ୍ତ୍ର ସୁରକ୍ଷା ବ୍ୟବସ୍ଥା କରାଯାଇଛି । ଟ୍ୱିନ୍ ସିଟି ପୋଲିସ ପକ୍ଷରୁ ସଭାସ୍ଥଳୀ ସମେତ ବିମାନବନ୍ଦର ପାଖ ଅଞ୍ଚଳର ସୁରକ୍ଷା ବ୍ୟବସ୍ଥା ହୋଇଛି ।
ରିପୋର୍ଟ ; ଦୀପା ପ୍ରଧାନ
