ସନଷ୍ଟାର ଟିଭି ବ୍ୟୁରୋ
ରିପୋର୍ଟ: ଶ୍ରୀ ଲଙ୍କାକୁ ସବୁଠାରୁ ଭୟଙ୍କର ଅର୍ଥନୈତିକ ଏବଂ ରାଜନୈତିକ ସଙ୍କଟ ମଧ୍ୟରେ ଛାଡି ପଳାଇ ଆସିଥିଲେ ଶ୍ରୀଲଙ୍କାର ରାଷ୍ଟ୍ରପତି ଗୋଟାବାୟା ରାଜପକ୍ସା। ଶ୍ରୀଲଙ୍କାରୁ ଆସି ମାଲଦ୍ୱୀପ ରେ ନିଜର ମୁଣ୍ଡଗୁଞ୍ଜି ଥିବା ବେଳେ ଗୁରୁବାର ଦିନ ମାଲଦ୍ୱୀପ ଛାଡି ସିଙ୍ଗାପୁର ଅଭିମୁଖେ ଯାତ୍ରା କରିଛନ୍ତି।ସୂତ୍ରରୁ ପ୍ରକାଶ ଯେ ରାଜପକ୍ସା ସାଉଦି ଏୟାରଲାଇନ୍ସର SV 788 ବିମାନରେ ମାଲଦ୍ୱୀପରୁ ସିଙ୍ଗାପୁର ଅଭିମୁଖେ ଯାତ୍ରା କରିଛନ୍ତି।
ବୁଧବାର ଇସ୍ତଫା ଦେବାକୁ ପ୍ରତିଶ୍ରୁତି ଦେଇଥିବା ୭୩ ବର୍ଷୀୟ ନେତା ରାଜପକ୍ସା ଦେଶ ଛାଡି ପଳାଇବାର କିଛି ଘଣ୍ଟା ପରେ ପ୍ରଧାନମନ୍ତ୍ରୀ ରାନିଲ ୱିକ୍ରେମସିଂହଙ୍କୁ କାର୍ଯ୍ୟକାରୀ ରାଷ୍ଟ୍ରପତି ଭାବରେ ନିଯୁକ୍ତ କରିଛନ୍ତି।ଏହାପୂର୍ବରୁ ରାଜପକ୍ସା, ତାଙ୍କ ପତ୍ନୀ ଲୋମା ଏବଂ ସେମାନଙ୍କର ଦୁଇ ସୁରକ୍ଷା ଅଧିକାରୀ ବୁଧବାର ରାତିରେ ସିଙ୍ଗାପୁର ଯିବେ ବୋଲି ଆଶା କରାଯାଉଥିଲା କିନ୍ତୁ ସୁରକ୍ଷା ଦୃଷ୍ଟିରୁ ବିମାନରେ ଚଢ଼ି ନଥିବାର ଡେଲି ମିରର ଖବର କାଗଜରେ ପ୍ରକାଶ ପାଇଛି। ତେବେ ଯାହା ସୂଚନା ମିଳୁଛି ବର୍ତ୍ତମାନ ସୁଦ୍ଧା ରାଷ୍ଟ୍ରପତିଙ୍କର ଇସ୍ତଫା ସ୍ବୀକାର କରି ନାହାନ୍ତି।
