ସନଷ୍ଟାର ଟିଭି ବ୍ୟୁରୋ
ସେମିଳିଗୁଡା: ଶନିବାର ସେମିଳିଗୁଡା ପୋଲିସ୍ ଦ୍ୱାରା ୫୦ କେଜି ରୁ ଉର୍ଦ୍ଧ୍ବ ପରିମାଣର ଗଞ୍ଜେଇ ଜବତ କରାଯାଇଛି। ସେମିଳିଗୁଡା ଥାନା ଆଇ ଆଇ ସି ଶ୍ରୀ ପ୍ରଦ୍ୟୁମ କୁମାର ମହାପାତ୍ରଙ୍କ ସୂଚନା ଅନୁଯାୟୀ ଶନିବାର ରାତ୍ରି ପ୍ରାୟ ସାଢ଼େ ଦଶଟା ସମୟରେ ସେମିଳିଗୁଡା ଥାନା ଏସ୍ ଆଇ ହରପ୍ରିୟା ଶବର ଓ ସହକର୍ମୀ ପେଟ୍ରୋଲିଂ କରୁଥିଲେ। ଏହି ସମୟରେ ୨୬ ନଂ ଜାତୀୟ ରାଜପଥ କୁତୁ ଗାଁ ଛକ ନିକଟରେ ସନ୍ଦେହରେ ଏପି ୩୧ ଏଟି ୭୫୦୦ ନଂ ଏକ ଫୋର୍ଡ କାର କୁ ଅଟକାଇଥିଲେ। ତଲାସି ସମୟରେ ସେହି ଗାଡିରୁ ୫୭ କିଲୋ ୨୦୦ଗ୍ରାମ ଗଞ୍ଜେଇ ଜବତ୍ କରାଯିବା ସହ ଜବତ ଗଞ୍ଜେଇ ର ବଜାର ମୂଲ୍ୟ ୫ ଲକ୍ଷ ଟଙ୍କାରୁ ଉର୍ଦ୍ଧ୍ବ ହେବ ବୋଲି ଜଣାପଡିଛି । ଏସ୍ ଆଇ ଥାନା ଅଧିକାରୀଙ୍କୁ ଏ ସମ୍ପର୍କରେ ସୂଚନା ଦେଇ ଗାଡି ସହ ଜଣେ ଅଭିଯୁକ୍ତକୁ ଗିରଫ କରିଛି ପୋଲିସ। ଗିରଫ ଅଭିଯୁକ୍ତ ହେଲେ ପଟାଙ୍ଗି ଥାନା ଅଧୀନ ମାଲିମାର୍ଲା ଗାଁ ର ସ୍ବର୍ଗତ ବସନ୍ତ କୁମାର ଚୌଧୁରୀଙ୍କ ପୁଅ ରିଙ୍କୁ ଚୌଧୁରୀ (୨୧) ବୋଲି ପୋଲିସ ତଦନ୍ତରୁ ଜଣାପଡିଛି । ଏ ସଂକ୍ରାନ୍ତରେ ସେମିଳିଗୁଡା ଥାନା କେସ୍ ନଂ ୧୦୬/୨୦୨୨ ରେ ଏକ ମାମଲା ରୁଜୁ କରିବା ସହ ଗିରଫ ଅଭିଯୁକ୍ତକୁ ଆଜି କୋର୍ଟ ଚାଲାଣ କରାଯାଇଥିବା ଏବଂ ଏଥିସହ ଅଭିଯୁକ୍ତ ଠାରୁ ଦୁଇଟି ମୋବାଇଲ ଫୋନ ଜବତ କରାଯାଇଥିବା ମଧ୍ୟ ଥାନା ଅଧିକାରୀ ଶ୍ରୀ ମହାପାତ୍ର ସୂଚନା ଦେଇଛନ୍ତି ।
