ସନଷ୍ଟାର ଟିଭି ବ୍ୟୁରୋ
ଅଯୋଧ୍ୟା: ଗତକାଲି ରାତିରେ ଉତ୍ତରପ୍ରଦେଶର ଅଯୋଧ୍ୟା ଜିଲ୍ଲାରେ ଜଣେ ବ୍ୟକ୍ତିଙ୍କୁ ତାଙ୍କ ଗଳା କାଟି ଅତି ନିର୍ମମ ଭାବେ ହତ୍ୟା କରାଯାଇଛି। କୁହାଯାଉଛି ଯେ ଗତକାଲି ରାତିରେ ତାଙ୍କ ଘର ପାଖରେ ଥିବା ହନୁମାନ ମନ୍ଦିରରେ ଶୋଇଥିବା ବେଳେ ୩୫ବର୍ଷୀୟ ଯୁବକଙ୍କର ମୃତ୍ୟୁ ଘଟିଥିଲା। ଏହି ପୁରା ମାମଲାରେ ପୋଲିସ ହତ୍ୟା ପଛର କାରଣ ଖୋଜୁଛି। ଅନ୍ୟପକ୍ଷରେ କୁମାରଗଞ୍ଜ ପୋଲିସ ଷ୍ଟେସନ ଅନ୍ତର୍ଗତ ଭୁପୁର ଗ୍ରାମରେ ହନୁମାନ ମନ୍ଦିରରେ ଶୋଇଥିବା ପଙ୍କଜ ଶୁକ୍ଲାଙ୍କ ହତ୍ୟା ବିଷୟରେ ପରିବାର ଲୋକେ ଆଜି ସକାଳେ ଜାଣିବାକୁ ପାଇଥିଲେ। ସୂଚନାମୁତାବକ ପ୍ରତ୍ୟେକ ଦିନ ପରି ପଙ୍କଜ ଶୁକ୍ଲା ଖାଦ୍ୟ ଖାଇବା ପରେ ଘର ସାମ୍ନାରେ ଥିବା ହନୁମାନ ମନ୍ଦିରରେ ଶୋଇବାକୁ ଯାଇଥିଲେ।
କିନ୍ତୁ ଗତାକାଲି ତାଙ୍କ ଗଳାକୁ ଏକ ତୀକ୍ଷ୍ଣ ଅସ୍ତ୍ରରେ ବିଦ୍ଧ କରାଯାଇଥିଲା। ପୁରା ଘଟଣା ସମ୍ପର୍କରେ ସୂଚନା ପାଇବା ପରେ ସେଠାରେ ପୋଲିସ ପହଞ୍ଚି ତାଙ୍କ ଶରୀରକୁ ପୋଷ୍ଟମର୍ଟମ ପାଇଁ ପଠାଇଥିଲା।
ପୋଲିସର ସୂଚନାନୁସାରେ, ମୃତ ଯୁବକଙ୍କ ପରିବାର ସଦସ୍ୟଙ୍କ ମଧ୍ୟରେ ଜମି ବିବାଦ ମଧ୍ୟ ରହିଥିଲା। ଏହା ବ୍ୟତୀତ, ସୂଚନାନୁସାରେ, ଗୋଟିଏ ଦିନ ପୂର୍ବରୁ ପଙ୍କଜଙ୍କ ସହ ମଧ୍ୟ ବିବାଦ ହୋଇଥିଲା, ତେଣୁ ଏହି କଥା ହତ୍ୟାକାଣ୍ଡର କାରଣ ହୋଇପାରେ ବୋଲି ଆଶା କରାଯାଉଛି । ଏବେ ପୋଲିସ ଏହି ଘଟଣାର ଅନୁସନ୍ଧାନ କରୁଛି।
