ରିପୋର୍ଟ: ଆଜି ସକାଳୁ ଆସିଲା ରାଇମୋହନଙ୍କ ପୋଷ୍ଟମର୍ଟମ ରିପୋର୍ଟ । ଓଲିଓଡ ଅଭିନେତା ରାଇମୋହନ ପରିଡାଙ୍କ ଆତ୍ମହତ୍ୟା ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା । ଗତ କିଛିଦିନ ତଳେ ରାଇ ମୋହନ ଗଳାରେ ରସି ଲଗାଇ ଆତ୍ମହତ୍ୟା କରିଥିଲେ । ତେବେ ତାଙ୍କର ଏଭଳି ମୃତ୍ୟକୁ ନେଇ ସମସ୍ତେ ସନ୍ଦେହ ଘେରକୁ ଟାଣିଆଣିଥିଲା । କିଏ କହୁଥିଲା ରାଇ ଭାଇ କେବେ ଆତ୍ମହତ୍ୟା କରିପାରିବେନି ତ ଆଉ କିଏ ତାଙ୍କୁ ହତ୍ୟା କରାଯାଇଥିବା କଥା କହିଥିଲେ । ହେଲେ ବର୍ତ୍ତମାନ ସବୁ କଳ୍ପନାଜଳ୍ପନାର ଶେଷ ହୋଇଛି । ଆସଛି ରାଇମୋହନଙ୍କର ପୋଷ୍ଟମର୍ଟମ ରିପୋର୍ଟ । ଏଥିରେ ରାଇମୋହନ ଆତ୍ମହତ୍ୟା କରିଥିବା କଥା ସ୍ପଷ୍ଟ ହୋଇଛି । ଗଳାରେ ରସି ଲଗାଇବା କାରଣରୁ ଶ୍ୱାସରୁଦ୍ଧ ହୋଇ ଜୀବନ ଯାଇଥିବା ଜଣାପଡିଛି । ସୂଚନାମୁତାବକ, କମିଶନରେଟ ପୋଲିସ୍କୁ ପୋଷ୍ଟମର୍ଟମ ରିପୋର୍ଟ ହସ୍ତଗତ କରାଯାଇଛି ।
ରାଇଙ୍କ ଶରୀରରେ ରହିଥିବା ସାମାନ୍ୟ କ୍ଷତ ମୃତ୍ୟ ପୁୂର୍ବରୁ ହ୍ୟାଙ୍ଗିଙ୍ଗ୍ ଯୋଗୁ ହୋଇଥିବା ଜଣାପଡିଛି । ତେବେ ପୋଷ୍ଟମର୍ଟମ ରିପୋର୍ଟ କ୍ୟାପିଟାଲ ହସ୍ପିଟାଲ ପକ୍ଷରୁ କମିଶନରେଟ ପୋଲିସକୁ ହସ୍ତାନ୍ତର କରାଯାଇଛି । (ରିପୋର୍ଟ:ସୋନାଲି)
