ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ଆଜି ରାଷ୍ଟ୍ରପତି ନିର୍ବାଚନ ପାଇଁ ନାମାଙ୍କନ ପତ୍ର ଭରିଛନ୍ତି ବିରୋଧୀ ଦଳର ନେତା ଯଶଓ୍ବନ୍ତ ସିହ୍ନା। ତେବେ ଆଜି ନାମାଙ୍କନ ପତ୍ର ଭରିବା ସମୟରେ କଂଗ୍ରେସ ନେତ ରାହୁଲ ଗାନ୍ଧି, ଶରତ ପାଓ୍ବାର, ଅଖିଳେଶ ୟାଦବ,ଅଭିଜିତ ବାନାର୍ଜୀ, ମଲ୍ଲିକାର୍ଜୁନ ଖରଗେ, ପ୍ରମୁଖ ସହିତ ଅନେକ ନେତା ଉପସ୍ଥିତ ଥିଲେ। ଏହା ଭିତରେ ଯଶଓ୍ବନ୍ତ ଙ୍କୁ ତେଲେଙ୍ଗାନା ରାଷ୍ଟ୍ରୀୟ ସମିତି (ଟିଆରଏସ) ମିଳିତ ବିରୋଧୀ ପ୍ରାର୍ଥୀ ଯଶବନ୍ତ ସିହ୍ନାଙ୍କୁ ସମର୍ଥନ କରିଛନ୍ତି। ସୂଚନା ମୁତାବକ ଏନଡିଏ ପ୍ରାର୍ଥୀ ଦ୍ରୌପଦି ମୁର୍ମୁ ଗତ ୨୪ ତାରିଖରେ ନାମାଙ୍କନ ପତ୍ର ଭରିଥିଲେ। ତେବେ ଆସନ୍ତା ଜୁଲାଇ ୧୮ ରେ ରାଷ୍ଟ୍ରପତି ନିର୍ବାଚନ ଅନୁଷ୍ଠିତ ହେବାକୁ ଯାଉଛି।
ଏନଡିଏ ପ୍ରାର୍ଥୀ ଜିତିବାର ସମ୍ଭାବନା ଅଧିକ ଥିବାବେଳେ ବିରୋଧୀ ଶିବିର ଏପର୍ଯ୍ୟନ୍ତ ସମସ୍ତ ଆଶା ହରାଇ ନାହିଁ। ତେବେ ଆଜି ରାଷ୍ଟ୍ରପତି ନିର୍ବାଚନ ପାଇଁ ନାମାଙ୍କନ ଭରିବା ସହିତ ଲଢ଼େଇ କରିବା ପାଇଁ ଯଶଓ୍ବନ୍ତ ସିହ୍ନା ପ୍ରସ୍ତୁତ ହୋଇଛନ୍ତି।
