ସନଷ୍ଟାର ଟିଭି ବ୍ୟୁରୋ
ମୁମ୍ବାଇ :ନିର୍ଦ୍ଦେଶକ ଆୟାନ ମୁଖାର୍ଜୀ ତାଙ୍କ ଆଗାମୀ ଚଳଚ୍ଚିତ୍ର ‘ବ୍ରହ୍ମାସ୍ତ୍ର’ରୁ ଅଭିନେତା ମୋନି ରୟଙ୍କ ଏକ ନୂତନ ମୋସନ ପୋଷ୍ଟର ରିଲିଜ କରିଛନ୍ତି। ଆୟାନ୍ ତାଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲକୁ ନେଇ ମୋନି ରୟଙ୍କ ଅଭିନୀତ ଏକ ମୋସନ୍ ପୋଷ୍ଟର ସେୟାର କରି ତାଙ୍କ ଚରିତ୍ରକୁ ‘ଜୁନୁନ୍’ ବୋଲି ବର୍ଣ୍ଣନା କରିଥିଲେ।
ସେ ଏହି ପୋଷ୍ଟର କ୍ୟାପସନ୍ ଲେଖିଛନ୍ତି, ମୋନି ଶିବଙ୍କୁ ବହୁତ ଭକ୍ତି କରନ୍ତି ଆଉ ସେ ବ୍ରହ୍ମାସ୍ତ୍ରକୁ ବହୁତ ଭଲ ଭାବରେ ମଧ୍ୟ ବୁଝି ପାରିଲେ। ସେ ଏହି ଚଳଚିତ୍ରରେ ଏକ ଖାସ ଭୂମିକା ନିର୍ବାହ କରିଛନ୍ତି। ତାଙ୍କର ଅଭିନୟ ମଧ୍ୟ ଖୁବ ଜବରଦସ୍ତ ରହିଛି। ଏହା ଆପଣ ମାନଙ୍କୁ ମଧ୍ୟ ଖୁବ ଭଲ ଲାଗିବ।
ବିଭିନ୍ନ ସାକ୍ଷାତକାରରେ ଆୟାନ୍ କହିଛନ୍ତି ଯେ ଏହି ଫିଲ୍ମ ପ୍ରାୟ ନଅ ବର୍ଷ ଧରି ବିକାଶରେ ଅଛି। ପ୍ରାୟ ପାଞ୍ଚ ବର୍ଷ ପୂର୍ବେ ଫିଲ୍ମର ପ୍ରଡକ୍ସନ୍ ଆରମ୍ଭ ହୋଇଥିଲା । ‘ବ୍ରହ୍ମାସ୍ତ୍ର ଭାଗ ପ୍ରଥମ: ଶିବ’ ହେଉଛି ଏକ ପ୍ରସ୍ତାବିତ ତିନି ଭାଗ ବିଶିଷ୍ଟ ସିରିଜର ପ୍ରଥମ ଭାଗ । ଆୟାନଙ୍କ ଦ୍ୱାରା ନିର୍ଦ୍ଦେଶିତ ‘ବ୍ରହ୍ମାସ୍ତ୍ର’ ସେପ୍ଟେମ୍ବର ୯, ୨୦୨୨ରେ ଏକାଧିକ ଭାଷାରେ ମୁକ୍ତିଲାଭ କରିବ।
