ଚାଲିଛି ଭାରତୀୟ ଟିମର ଅଭ୍ୟାସମ୍ୟାଚ

ସନଷ୍ଟାର ଟିଭି ବ୍ୟୁରୋ

ଭୁବନେଶ୍ବର: କାଲି ହେବାକୁ ଥିବା ଖେଳକୁ ନେଇ ପ୍ରଶଂସକ ମାନଙ୍କ ମଧ୍ୟ ରେ ଖୁବ ଉତ୍ସାହ ଥିବା ବେଳେ ଲୋକ ମାନେ କାଲିର ମ୍ୟାଚ ପାଇଁ ଅନେଇ ବସିଛନ୍ତି। ସେପଟେ ଅଭ୍ୟାସ ମ୍ୟାଚ ପାଇଁ ଆଜି ଭାରତୀୟ ଟିମ କଟକ ବାରବାଟୀ ଠାରେ ପହଞ୍ଚି ଅଭ୍ୟାସ ଜାରି ରଖିଛି। ଏହାସହ ପ୍ରେସ କନଫରେନ୍ସରେ ଭୁବନେଶ୍ବର କୁମାର କହିଛନ୍ତି ଯେ ପୂର୍ବ ମ୍ୟାଚରେ ହୋଇଥିବା ଭୁଲକୁ ଏଥର ସଜାଡିବାକୁ ପ୍ରୟାସ ଜାରି ରହିବ। ବର୍ତ୍ତମାନ ସୁଦ୍ଧା ସିରିଜ ଆମ ହାତରେ ଅଛି।

ତେଣୁ  ସିରିଜ କିପରି କବ୍ଜା କରିପାରିବୁ ତାହା ପ୍ରତି ଧ୍ୟାନ ଦେବୁ। ଏହା ସହିତ ବୋଲିଙ୍ଗର ଫର୍ମକୁ ମଧ୍ୟ ଆହୁରି ଭଲ କରିବୁ ବୋଲି ଭୁବନେଶ୍ବର କୁମାର କହିଛନ୍ତି। ସେପଟେ ଭାରତୀୟ ଟିମକୁ ଅଭ୍ୟାସ ମ୍ୟାଚରେ ଦେଖିବା ପାଇଁ ଷ୍ଟାଡିୟମରେ ନାହିଁ ନଥିବା ଭିଡ ଦେଖିବାକୁ ମିଳିଛି। ହଜାର ହଜାର ସଂଖ୍ୟାରେ କ୍ରିକେଟ ପ୍ରେମୀ ମାନେ ଷ୍ଟାଡିୟମରେ ଉପସ୍ଥିତ ଅଛନ୍ତି। ତେବେ ସନ୍ଧ୍ୟା ୭ଟା ପର୍ଯ୍ୟନ୍ତ ଅଭ୍ୟାସ ମ୍ୟାଚ ଚାଲିବ। ଏହା ପରେ ଖେଳାଳୀ ମାନେ ପୁଣି ଭୁବନେଶ୍ବର ଫେରିଆସିବେ।