ସନଷ୍ଟାର ଟିଭି ବ୍ୟୁରୋ
ଲାହୋର: ପାକିସ୍ତାନ ପ୍ରଧାନମନ୍ତ୍ରୀ ଶେହବାଜ ସରିଫ ଶନିବାର ଦିନ ତାଙ୍କ ଏବଂ ତାଙ୍କ ପୁଅ- ହାମଜାଙ୍କ ବିରୋଧରେ ୧୬ ବିଲିୟନ ଟଙ୍କା ହେରଫେର ମାମଲାରେ ଏକ ସ୍ବତନ୍ତ୍ର କୋର୍ଟର ଶୁଣାଣିରେ ସମୟରେ ନିଜକୁ ମଜନୁ ବୋଲି କହିଛନ୍ତି।
ତାଙ୍କ ବିରୋଧରେ ଅର୍ଥ ହେରଫେର ଅଭିଯୋଗକୁ ଶ୍ରେଣୀଗତ ଭାବରେ ପ୍ରତ୍ୟାଖ୍ୟାନ କରି ଶେହବାଜ ସରିଫ କୋର୍ଟଙ୍କୁ ଜଣାଇଛନ୍ତି ଯେ ସେ ପାକିସ୍ତାନ ପଞ୍ଜାବ ପ୍ରଦେଶର ମୁଖ୍ୟମନ୍ତ୍ରୀ ଥିବାବେଳେ ତାଙ୍କୁ କୌଣସି ବେତନ ମିଳିନଥିଲା ଏବଂ ନିଜକୁ ମୂର୍ଖ ବୋଲି କହିଥଲେ।ବିଚାରପତି ଇଜାଜ ହାସନ ଆୱାନଙ୍କ ଆଗରେ ଯୁକ୍ତିତର୍କ ବେଳେ ପ୍ରଧାନମନ୍ତ୍ରୀ ଶେହବାଜ ତାଙ୍କ ବିରୋଧରେ ହୋଇଥିବା ମାମଲା ମିଥ୍ୟା ବୋଲି କହିଥିଲେ।ସେ କହିଛନ୍ତି ଯେ ମୁଁ ୧୨.୫ ବର୍ଷ ମଧ୍ୟରେ ସରକାରଙ୍କଠାରୁ କିଛି ନେଇ ନାହିଁ।
ଡନ୍ ଖବରକାଗଜ ଅନୁଯାୟୀ ସେ କହିଛନ୍ତି, “ଭଗବାନ ମୋତେ ଏହି ଦେଶର ପ୍ରଧାନମନ୍ତ୍ରୀ କରିଛନ୍ତି। ମୁଁ ଜଣେ ମଜନୁ । ମୁଁ ମୋର ଆଇନଗତ ଅଧିକାର ନେଇ ନାହିଁ, ଦରମା ଏବଂ ସୁବିଧା ନେଇ ନାହିଁ।”
