ପୁଣି ବଢ଼ିଲା ସୁନାଦର

ସନଷ୍ଟାର ଟିଭି ବ୍ୟୁରୋ

ରିପୋର୍ଟ: ପୁଣି ଥରେ ଆଜି ସୁନା ଦର ବଢିଛି । ଏହି କିଛିଦିନ ହେବ ଦେଶରେ ସବୁ ଜିନିଷରେ ବାରମ୍ବାର ଦରବୃଦ୍ଧି ହେବାର ଲାଗିଛି । ଦେଶରେ ସୁନା ଏବଂ ରୂପା ଦରରେ ମଧ୍ୟ ବାରମ୍ବାର ପରିବର୍ତ୍ତନ କରାଯାଉଛି । ଏବେ ପୁଣି ସୁନାଦର ବୃଦ୍ଧି ହୋଉଛି । ଯାହା ଏବେ ହେଉଥିବା ବିବାହ ଉପରେ ବହୁ ପ୍ରଭାବ ପକାଇବ । କାରଣ ବିବାହର ସୁନା ଏବଂ ରୂପାକୁ ମୁଖ୍ୟ ଗହଣା ଭାବରେ ବ୍ୟବହାର କରାଯାଏ । ତେବେ ଭୁବନେଶ୍ୱରରେ ହଲମାର୍କ ସୁନାଦର ୫୨ ହଜାର ଥିବାବେଳେ  ଆଜି ୧୦ ଗ୍ରାମ୍ ପିଛା ୩୫୦ ଟଙ୍କା ବୃଦ୍ଧି ହୋଇଛି । ଏହାଦ୍ୱାରା ଭୁବନେଶ୍ୱରରେ ହଲମାର୍କ ସୁନାଦର ବଢି ୫୨ ହଜାର ୩୫୦ ଟଙ୍କା ହୋଇଛି । ଏହା ସହ ୧୦ ଗ୍ରାମ ପିଛା ୨୨ କ୍ୟାରେଟ ସୁନାର ମୁଲ୍ୟ ୪୯ ହଜାର ୫୦୦ ଟଙ୍କା ରହିଛି । କଟକରେ ମଧ୍ୟ ସୁନାଦର ଦର ପରିବତ୍ତର୍ନ ହୋଇଛି  । ଏହା ସହ ରୂପା ଦର ୪୦୦ ଟଙ୍କା ବୃଦ୍ଧି ହୋଇଛି। ବଦ୍ଧିତ ଦର ଅନୁଯାୟୀ ଏବେ ୧ କିଲୋ ରୂପାକୁ ୬୩ ହଜାର ୮୫୦ ଟଙ୍କାରେ ବିକ୍ରି କରାଯାଉଛି । ସୂଚନାମୁତାବକ, “BIS  care app”  ମାଧ୍ୟମରେ ଆପଣ ସୁନାର ଶୁଦ୍ଧତା ପରକ୍ଷୀ ବା ଏହା ବିଷୟରେ ଅଧିକ ତତ୍ତ୍ବ ପାଇପାରିବେ ।(ରିପୋର୍ଟ:ସୋନାଲି)