ସନଷ୍ଟାର ଟିଭି ବ୍ୟୁରୋ
କୋରାପୁଟ:ସୁର୍ମୀ ଗାଁରୁ ହରିୟାଣା ରାଜ୍ୟ କୁ ଗଞ୍ଜେଇ ଚୋରା ଚାଲାଣ ବେଳେ ମାଛକୁଣ୍ଡ ପୁଲିସ ହାତରେ ଧରାପଡିଛି ବିପୁଳ ପରିମାଣରେ ଗଞ୍ଜେଇ । ଗୋଟିଏ ଟାଟା ସଫାରି ଗାଡି ସହ ୨ଜଣ ଗଞ୍ଜେଇ ବ୍ୟବସାୟୀଙ୍କୁ ମଧ୍ୟ ପୁଲିସ ଗିରଫ କରିଛି । ସୁର୍ମୀ ଅଂଚଳରୁ ଏକ ଟାଟା ସଫାରି ଗାଡ଼ିରେ ଗଞ୍ଜେଇ ଚାଲାଣ ହେଉଥିବା ନେଇ ମାଛକୁଣ୍ଡ ଖବର ପାଇଥିଲେ । ପରେ ଲମତାପୁଟ ଓ ମାଛକୁଣ୍ଡ ପୁଲିସ ମିଳିତ କନାଗାଁ ଛକ ନିକଟରେ ଗାଡି ମୋଟର ଯାଞ୍ଚ କରିଥିଲେ । ଠିକ ସେହି ସମୟରେ ସୁର୍ମୀ ଅଞ୍ଚଳରୁ ଟାଟା ସଫାରି ଗାଡି ଦ୍ରୁତ ଗତିରେ ଆସୁଥିବା ନେଇ ପୁଲିସ ଅଟକ ରଖି ଯାଞ୍ଚ କରିଥିଲେ ଏବଂ ଗଞ୍ଜେଇ ରହିଥି ରହିଥିବା ଜାଣିବାକୁ ପାଇଥିଲେ । ପରେ ଲମତାପୁଟ ଫାଣ୍ଡିରେ ଆଣି ୧୦୬କେଜି ୯୦୦ଗ୍ରାମ ଗଞ୍ଜେଇ ଓଜନ କରିଥିଲେ । ତା ସହ ୩ଟି ମୋବାଇଲ ଫୋନକୁ ମଧ୍ୟ ପୁଲିସ ଜବତ କରିଛି । ଜବତ ଗଞ୍ଜେଇର ଆନୁମାନିକ ମୂଲ୍ୟ ସ୍ଥାନୀୟ ଅଞ୍ଚଳରେ ୩ ଲକ୍ଷ ଟଙ୍କା ହେବ ବୋଲି ଜଣାପଡିଛି । ଏହି ମାମଲାରେ ସୁର୍ମୀ ଗାଁ ର ସନ୍ତୋଷ ଖେମୁଣ୍ଡୁ ଓ ସମେଶ ନିରଖିକୁ ପୁଲିସ ଗିରଫ କରିଛି । ସୁର୍ମୀ ଗାଁରୁ ଲମତାପୁଟ ଓ ଜୟପୁର ରାସ୍ତା ଦେଇ ହରିୟାଣାକୁ ଗଞ୍ଜେଇ ଚାଲାଣ ହେଉଥିବା ନେଇ ମାଛକୁଣ୍ଡ ସୂଚନା ଦେଇଛନ୍ତି ।(ରିର୍ପୋଟ: ବେଂକଟେସ ରାଓ)
