ସନଷ୍ଟାର ଟିଭି ବ୍ୟୁରୋ
ଚାନ୍ଦବାଲି : ଭଡ଼ାଘରେ ଝୁଲୁଛି ମୃତ ଦେହ। ଏମିତି ଏକ ଅଘଟଣ ଦେଖିବାକୁ ମିଳିଛି ଭଦ୍ରକ ଜିଲ୍ଲା ଚାନ୍ଦବାଲି ଅଞ୍ଚଳରେ। ଚାନ୍ଦବାଲି ବ୍ଲକ ଅଧୀନ ଯଶିପୁର ପଞ୍ଚାୟତ ତଥା ବାଂଶଡା ଥାନା ଅନ୍ତର୍ଗତ ଯଶିପୁର ଗ୍ରାମର ଏକ ଭଡ଼ାଘରୁ ଯୁବତୀଙ୍କ ମୃତଦେହ ଉଦ୍ଧାର କରାଯାଇଛି । ଯୁବତୀ ଜଣଙ୍କ ଭଦ୍ରକ ଜିଲ୍ଲା ତିହିଡି ବ୍ଲକ ଦୌଲତପୁର ପଞ୍ଚାୟତ ପୀରହାଟ ଥାନା ଅନ୍ତର୍ଗତ ପୀରହାଟ ଗ୍ରାମର ଚନ୍ଦ୍ରମଣୀ ପାଣିଗ୍ରାହୀଙ୍କ ଝିଅ ଅର୍ଚ୍ଚନା ପାଣିଗ୍ରାହୀ ବୋଲି ସୂଚନା ମିଳିଛି l ଅର୍ଚ୍ଚନା ଯଶିପୁର କୁଦ ପୋଷ୍ଟ ଅଫିସରେ ଜଣେ କର୍ମଚାରୀ ଭାବେ କାର୍ଯ୍ୟରତ ଥିଲେ l ସେ ତାଙ୍କ ଭଡ଼ାଘରେ ନିଜ ଓଢଣୀରେ ଫ୍ୟାନରେ ଝୁଲୁଥିବାର ଦେଖିବାକୁ ମିଳିଛି l ଖବର ପାଇଁ ବାଂଶଡା ପୋଲିସ ପହଞ୍ଚି ଶବ ଜବତ କରିବା ସହ ତଦନ୍ତ ଆରମ୍ଭ କରିଛି l କିନ୍ତୁ ଯୁବତୀଙ୍କ ଗୋଡ଼ ଜମିରେ ଲାଗିଥିବାରୁ ଏହା ହତ୍ୟା କି ଆତ୍ମହତ୍ୟା ବର୍ତ୍ତମାନ ଏହାକୁ ନେଇ ସନ୍ଦେହ ସୃଷ୍ଟି ହୋଇଛି। ଯଦି ଯୁବତୀ ଜଣଙ୍କ ଆତ୍ମହତ୍ୟା କରିଛନ୍ତି ତେବେ କାରଣ କଣ ଥାଇପାରେ? କାର୍ଯ୍ୟକ୍ଷେତ୍ରରେ କିଛି ସମସ୍ୟା, ପାରିବାରିକ ସମସ୍ୟା ନା ପ୍ରେମ ଜନିତ କାରଣ ତାହା ତଦନ୍ତ ପରେ ସ୍ପଷ୍ଟ ହୋଇ ପାରିବ ବୋଲି ଆଶା କରାଯାଉଛି ଆଉ ଯଦି ଏହା ହତ୍ୟା ହୋଇଥାଏ ତେବେ କିଏ କେଉଁ କାରଣ ରୁ ଯୁବତୀଙ୍କୁ ମାରିଛି ତାହାକୁ ନେଇ ତଥ୍ୟ ଅଧିକ ତଦନ୍ତ ପରେ ପ୍ରକାଶ ପାଇବ l(ରିପୋର୍ଟ:ପ୍ରଶାନ୍ତ କୁମାର ପାଣି)
