କ୍ୟାଇକ୍ରିୟୋ ପଗୋଡାର ରହସ୍ୟ

ସନଷ୍ଟାର ଟିଭି ବ୍ୟୁରୋ

ରିର୍ପୋଟ: ପୃଥିବୀ ର ଅନେକ ସ୍ଥାନରେ ଅନେକ ପ୍ରସିଦ୍ଧ ବୌଦ୍ଧ ପୀଠ ମାନ ରହିଛି। ଯାହାର ଭିନ୍ନ ମାନ୍ୟତା ରହିଛି।  ମିଆଁମାର୍‌ର ମୋନ୍ ରାଜ୍ୟରେ ସ୍ଥିତ ପ୍ରସିଦ୍ଧ ବୌଦ୍ଧ ତୀର୍ଥସ୍ଥଳ କ୍ୟାଇକ୍ରିୟୋ ପଗୋଡା ରହିଛି ଯାହାକୁ  ଗୋଲ୍ଡେନ୍ ରକ୍ ନାମରେ ମଧ୍ୟ ଲୋକେ ଜାଣିଛନ୍ତି। ଏହା କ୍ୟାଇଭିୟୋ ପାହାଡ଼ର ଶୀର୍ଷ ସ୍ଥାନରେ ଅବସ୍ଥିତ । ତେବେ ଏହାକୁ ନେଇ ଅନେକ କିମ୍ବଦନ୍ତୀ ରହିଛି।

ଯାହା ପାଇଁ ଲୋକମାନେ  ଏଠାକୁ ଆସୁଛନ୍ତି। ବାଦଲ ଦ୍ଵାରା ଘେରି ରହିଥିବା ଏହି ସ୍ଥଳର ଉତ୍ପତ୍ତିର ରହସ୍ୟ ଓ ପୌରାଣିକ କଥାଗୁଡ଼ିକ ତୀର୍ଥଯାତ୍ରୀ ଓ ଆଗନ୍ତୁକମାନଙ୍କୁ ଆକର୍ଷିତ କରିଥାଏ । ପାଖାପାଖୁ ୨୫ ଫୁଟ୍ ଉଚ୍ଚ ଏହି ପଥରଟି ନିଜେ ହିଁ ଏକ ଆଶ୍ଚର୍ଯ୍ୟ ଘଟଣା କାରଣ ଏହା ଗଭୀର ଖାଇ ପାର୍ଶ୍ଵରେ ସନ୍ତୁଳନକୁ ବଜାୟ ରଖିଛି ।  ତେବେ ଯେଉଁମାନେ ଭଗବାନଙ୍କ ଉପରେ ବିଶ୍ବାସ କରନ୍ତି ନାହିଁ  ସେ ଏହି ସ୍ଥାନକୁ ଆସିଲେ ନିହାତି ଭାବରେ ଭଗବାନଙ୍କର ଅବସ୍ଥିତି ନିହାତି ଭାବରେ ଅନୁଭବ କରିପାରିବେ। ଏଠାରେ  ଭଗବାନଙ୍କର ଅସ୍ତିତ୍ଵ ରହିଛି ବୋଲି ଆପଣ ମଧ୍ୟ ଜାଣି ପାରିବେ।

ଉପାସକମାନଙ୍କ ଅନୁସାରେ ଭଗବାନ ବୁଦ୍ଧଙ୍କ ଚମତ୍କାରୀ ଶକ୍ତିଗୁଡ଼ିକ କାରଣରୁ ପଥରଟି ନିଜର ସନ୍ତୁଳନକୁ ବଜାୟ ରଖି ପାରିଛି । କୁହାଯାଏ ଯେ ପଥର ଓ ପାହାଡ଼ ମଧ୍ୟରେ ବୁଦ୍ଧଦେବଙ୍କ କେଶର ଏକ ଅଂଶ ରଖାଯାଇଛି ଯେଉଁ କାରଣରୁ ଏହି ଅଦ୍ଭୁତ ସନ୍ତୁଳନକୁ ଦେଖିବାକୁ ମିଳୁଛି । ଏକ ବୃତ୍ତିଚିତ୍ର ମାଧ୍ୟମରେ ଏହାର କାହାଣୀ ଓ ଇତିହାସର ଅନ୍ଵେଷଣ କରାଯାଇଥିଲା ।

ସେଥିରେ ଏହି ଅଦ୍ଭୁତ ସ୍ଥଳ ବିଷୟରେ ଉଲ୍ଲେଖ କରାଯାଇଛି ଯାହା ଗୁରୁତ୍ଵକର୍ଷଣ ଶକ୍ତିକୁ ଚକ୍‌ମା ଦେଉଛି । ଅନ୍ଵେଷଣକାରୀଙ୍କ ଅନୁସାରେ ଏହା ଏକ ପ୍ରାକୃତିକ ଆଶ୍ଚର୍ଯ୍ୟ ଯାହାକୁ କାହାଣୀଗୁଡ଼ିକ ଏକ ପବିତ୍ର ସ୍ଥଳର ମାନ୍ୟତା ଦେଇଛି । ଏହି କାହାଣୀସବୁ କ୍ୟାଇଭିୟୋ ଓ ଗୋଲ୍ଡେନ୍‌ ରକ୍‌କୁ ପୂରା ଦେଶରେ ସବୁଠାରୁ ପ୍ରସିଦ୍ଧ ଓ ଲୋକପ୍ରିୟ ସ୍ଥାନ କରିଦେଇଛି । ବର୍ଷସାରା ଗୋଲ୍ଡେନ୍ ରକ୍ କୁ ଦେଖିବା ପାଇଁ ପର୍ଯ୍ୟଟକମାନଙ୍କର ଭିଡ ଜମିଥାଏ । କିନ୍ତୁ ନଭେମ୍ବରରୁ ମାର୍ଚ୍ଚ ମାସ ମଧ୍ୟରେ ଭକ୍ତିର ପରିବେଶ ସେଠାରେ ଦେଖିବାକୁ ମିଳେ । ପୂରା ମିଆଁମାର୍‌ର ଲୋକମାନେ ସେଠାକୁ ଯାଇ ମନ୍ତୋଚାରଣ କରି ମହମବତୀ ଜଳାଇ ଧାନ କରି ଭଗବାନ ବୁଦ୍ଧଙ୍କୁ ପ୍ରସାଦ ଅର୍ପଣ କରନ୍ତି ।