ସନଷ୍ଟାର ଟିଭି ବ୍ୟୁରୋ
କୋରାପୁଟ: ଗତ କାଲି ବିଳମ୍ବିତ ରାତିରେ ଘଟିଛି ଘଟଣା । ରାସ୍ତାରେ ଛୁଆ ପ୍ରସବ କଲେ ଗର୍ଭବତୀ। ରାସ୍ତା ଖରାପ ଯୋଗୁଁ ଗାଁକୁ ଯାଇପାରିଲା ନାହିଁ ଆମ୍ବୁଲାନସ । ଯାହା ପାଇଁ ମେଡିକାଲକୁ ନେବାସମୟରେ ହିଁ ରାସ୍ତାରେ ଜନ୍ମ ହେଲା ଛୁଆ। ଘଟଣା ଘଟିଛି ପଟାଙ୍ଗୀ ବ୍ଲକ କାରୀବେଡା ଗ୍ରାମ, ଗୋଲୁରୁ ପଞ୍ଚାୟତରେ। ଗ୍ରାମର ଜାମି ପବିତ୍ରଙ୍କ ସ୍ତ୍ରୀ ଆପାଲା ହନ୍ତାଳ ଙ୍କୁ ଗର୍ଭ ବେଦନା ହୋଇଥିଲା । ଗାଁ କୁ ନିତି ଦିନିଆ ରାସ୍ତା ନଥିବାରୁ ୧୦୮ ଗାଡି ଯିବା ସମ୍ଭବ ନଥିଲା । ଯାହାଫଳରେ ଗାଡି ଗାଁର କିଛି ଦୂର ରେ ଅଟକି ରହିଥିଲା । ଗର୍ଭବତୀଙ୍କୁ ଗାଡି ନିକଟକୁ ବୋହି ନେବା ସମୟରେ ଏପରି ଅଘଟଣା ଘଟିଛି । ପ୍ରସୂତି ମହିଳାକୁ ୧୦୮ ଗାଡି ଚାଳକ ପ୍ରତାପ ନାୟକ, ଗାଁ ଲୋକେ ଓ ପରିଜନ ଭାରରେ ବୋହି ଗାଡି ନିକଟକୁ ଆଣିଥିଲେ। ପରେ ପ୍ରସୂତି ମହିଳା ଓ ଛୁଆକୁ ପଟାଙ୍ଗି ମେଡିକାଲରେ ଭର୍ତ୍ତି କରାଯାଇଛି । ବର୍ତ୍ତମାନ ଉଭୟେ ମା ଓ ଛୁଆ ସୁସ୍ଥ ଥିବା ମେଡିକାଲ ପକ୍ଷରୁ କୁହାଯାଇଛି ।। (ରିର୍ପୋଟ:ବେଙ୍କଟେସ ରାଓ)
