ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର; ଆଜିଠୁ ବିଜେଡିର ପର୍ଯ୍ୟବେକ୍ଷକ ବୈଠକ, ୨୦୨୪ ସାଧାରଣ ନିର୍ବାଚନ ପାଇଁ ପ୍ରସ୍ତୁତ ହେଉଛି ବିଜୁ ଜନତା ଦଳ । ଆଜିଠାରୁ ଆଗାମୀ ୩ ଦିନ ଧରି ଚାଲିବ ପର୍ଯ୍ୟବେକ୍ଷକଙ୍କ ବୈଠକ । ବିଜେଡି ସୁପ୍ରିମୋ ନବୀନ ପଟ୍ଟନାୟକ ଡାକିଛନ୍ତି ଏହି ବୈଠକ, ଏଥିରେ ପ୍ରତି ଜିଲ୍ଲାର ପର୍ଯ୍ୟବେକ୍ଷକ ସାମିଲ ହେବାର କାର୍ଯ୍ୟକ୍ରମ ରହିଛି । ନବୀନ ନିବାସରେ ଏହି ବୈଠକ ଅନୁଷ୍ଠିତ ହେବ । ସମସ୍ତଙ୍କୁ ସାଙ୍ଗରେ ନେଇ ଦଳ କିଭଳି ଆଗକୁ ଯିବ ସେନେଇ ଗୁରୁମନ୍ତ୍ର ଦେବେ ନବୀନ । ଏଥିସହ ୨୦୨୪ ପାଇଁ ଦଳ କି ନୂଆ ରଣନୀତି ଆପଣାଇବ ସେ ସମ୍ବନ୍ଧରେ ମଧ୍ୟ ଆଲୋଚନା ହେବ ।
