ଆସିଲା ଖରା, ତ୍ବଚାକୁ ଜଗିବେ କିପରି

ସନଷ୍ଟାର ଟିଭି ବ୍ୟୁରୋ

ରିର୍ପୋଟ:ଖରାଦିନିଆ ଦିନରେ ଆମକୁ ଆମର ତ୍ୱଚାର ଯତ୍ନ ଅଧିକ ନେବାକୁ ପଡିଥାଏ। କାରଣ ଖରାଦିନେ ସୂର୍ଯ୍ୟଙ୍କ ପ୍ରଖର କିରଣରେ ତ୍ବଚା ମଳିନ ପଡ଼ିବା ସାଧାରଣ ସମସ୍ୟା ହେବା ସହ ମୁହଁରେ ଛୋଟ ଛୋଟ ବ୍ରଣ ଆଦି ଅନେକ ସମମ୍ୟା ଦେଖା ଦେଇଥାଏ । ତ୍ବଚାର ଏଇ ଅସୁବିଧାକୁ ଦୂରେଇବା ପାଇଁ କେତୋଟି ସହଜ ଘରୋଇ ଉପଚାର ଆପଣ ମାନଙ୍କୁ ଜାଣି ରଖିବା ଆବଶ୍ୟକ । ତେବେ ଚାଲନ୍ତୁ , ସେ ବିଷୟରେ ଜାଣିବେ ।

ଦହିରେ ଲ୍ୟାକଟିକ୍ ଅମ୍ଳ ଥାଏ , ସେଥିରୁ ୨ ଚାମଚ ନେବେ । ସେଥିରେ ବିଲାତି ରସ ୨ଚାମଚ ମିଶାଇ ମୁହଁ , ହାତ, ବେକ , ପାଦରେ ଲଗାଇ ୧୫ ମିନିଟ୍ ପରେ ଧୋଇବେ । ପ୍ରତିଦିନ ଏହି ମିଶ୍ରଣ ଲଗାଇଲେ ତ୍ୱଚାରେ ଚମକ ଆସିବା ସହ ଦାଗ , ବ୍ରଣ ଦୂର ହୋଇଥାଏ ।
ଖରାଦିନରେ ଝାଳ ବାହାରିବା ଦ୍ବାରା ବହୁ ଅସ୍ତବ୍ୟସ୍ତ ଲାଗେ । ତେଣୁ ସତେଜ ଅନୁଭବ କରିବା ପାଇଁ ଘରକୁ ଫେରିବା ପରେ କାକୁଡ଼ି ରସରେ ଚିମୁଟାଏ ହଳଦୀ ମିଶାଇ ପୂରା ମୁହଁରେ ଲଗାଇବେ । ଏହା ଶୁଖିଯିବା ପରେ ଏହାକୁ ଭଲ ଭାବରେ ଧୋଇନେବେ ।
ବେସନ ଅଧ ଚାମଚ , ହଳଦୀ ଚିମୁଟାଏରେ କଞ୍ଚା କ୍ଷୀର ମିଶାଇ ପ୍ୟାକ୍ ତିଆରି କରନ୍ତୁ । ଏହି ମିଶ୍ରଣ ତ୍ଵଚା ପାଇଁ ଅଧିକ ଭଲରେ ୨୦ ମିନିଟ୍ ପର୍ଯ୍ୟନ୍ତ ମୁହଁରେ ଲଗାନ୍ତୁ। ଏହାପରେ ତ୍ବଚାକୁ ଭଲଭାବରେ ପାଣିରେ ଧୋଇ ଦିଅନ୍ତୁ।
ଗାଜର ରସର କରାମତି ମଧ୍ୟ କିଛି କମ୍ ନୁହେଁ । ଗାଜର ରସ ରେ ବେସନ ମିଶାଇ ମୁହଁରେ ଲଗାଇପାରିବେ । ଏହି ପ୍ୟାକ୍ ଗାଧୋଇବା ପୂର୍ବରୁ ଲଗାଇବା ଭଲ । ଏହା ସୂର୍ଯ୍ୟ କିରଣରୁ ଆସୁଥିବା ଖରାପ କିରଣକୁ ରୋକିଥାଏ।