ସନଷ୍ଟାର ଟିଭି ବ୍ୟୁରୋ
ରିର୍ପୋଟ: ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ବଳିଉଡର ସବୁଠାରୁ ଚର୍ଚ୍ଚିତ ଦମ୍ପତି ରଣବୀର କପୁର ଏବଂ ଆଲିଆ ଭଟ୍ଟ। ତେବେ ଦୁହିଁଙ୍କ ବିବାହ ଖବର ପ୍ରଚାର ହେଉଥିବା ବେଳେ କପୁର ପରିବାରର ଆର.କେ ଷ୍ଟୁଡିଓକୁ ଆଲୋକିତ କରାଯାଇଛି। ଇନଷ୍ଟାଗ୍ରାମରେ ଏକ ପାପାରାଜି ତାଙ୍କ ଆକାଉଣ୍ଟ ରେ ଏକ ଭିଡିଓ ସେୟାର କରିଛନ୍ତି। ଯେଉଁଥିରେ ଗେଟ୍ କୁ ଆଲୋକମାଳା ଦ୍ବାରା ସଜ୍ଜିତ କରାଯାଇଥିବାର ଦେଖିବାକୁ ମିଳିଛି। କମ୍ପ୍ଲେକ୍ସର ଚାରିପାଖରେ ଥିବା ଗଛଗୁଡ଼ିକୁ ମଧ୍ୟ ଆଲୋକରେ ସଜାଯାଇଛି। ମୁମ୍ବାଇର ଚେମ୍ବୁରରେ ଥିବା ଷ୍ଟୁଡିଓର ଅନେକ ଚିତ୍ର ମଧ୍ୟ ସୋସିଆଲ ମିଡିଆରେ ବର୍ତ୍ତମାନ ଘୂରି ବୁଲୁଛି।
ତେବେ ଏହି କ୍ଲିପ୍ ଉପରେ ପ୍ରତିକ୍ରିୟା ପ୍ରକାଶ କରି ଜଣେ ପ୍ରଶଂସକ କହିଛନ୍ତି, “ଏହି ଶ୍ରେଷ୍ଠ ସୁପରଷ୍ଟାରମାନେ ପରସ୍ପରକୁ ବିବାହ କରିବାକୁ ଯାଉଛନ୍ତି। ଏହାକୁ ନେଇ ପ୍ରଶଂସକ ମଧ୍ୟ କହିଛନ୍ତି, ଆଉ ଅପେକ୍ଷା କରିହେଉ ନାହିଁ। ଆଉ କିଛି ଏହାକୁ ବହୁତ ସୁନ୍ଦର ବୋଲି କହିଛନ୍ତି। ତେବେ ବହୁ ପ୍ରଶଂସକ ମାନେ ଏଥିରେ ଲାଲ ହୃଦୟ ଇମୋଜି ମଧ୍ୟ ସେୟାର କରିଛନ୍ତି।
