ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ମଡେଲ-ଅଭିନେତ୍ରୀ ଲିସା ହାଡନ୍ ତାଙ୍କ ମାତୃତ୍ୱ ଡାଏରୀରୁ କିଛି ପୋଷ୍ଟ ସେୟାର କରିଛନ୍ତି। ଗତ ବର୍ଷ ଜୁନରେ ସେ ମାଆ ହୋଇଥିଲେ। ତାଙ୍କ ଝିଅ ଲାରାଙ୍କୁ ସ୍ୱାଗତ କରିଥିବା ଏହି ଅଭିନେତ୍ରୀ ଶନିବାର ଅପରାହ୍ନରେ ସୋସିଆଲ ମିଡିଆରେ ତାଙ୍କ ସହ ଏକ ସୁନ୍ଦର ଚିତ୍ର ସେୟାର କରିଥିଲେ। ଚିତ୍ରରେ, ଲିସା ହେଡନ୍ ନିଜ ଝଇଅକୁ କୋଳରେ ଧରିଥିବାର ଦେଖିବାକୁ ମିଳିଛି। ତେବେ ଏହି ଚିତ୍ରଟି ଏକ ବେଳାଭୂମିର ଅଟେ। ସେ ଏହି ପୋଷ୍ଟର କ୍ୟାପସନ୍ ଦେଇଛନ୍ତି: ମୁଁ ଏବଂ ମୋର ଝିଅ। ଲିସା ହାଡନ୍ ତାଙ୍କ ପରିବାର ସହିତ ହଂକଂରେ ରୁହନ୍ତି। ମଡେଲ୍ ଚଳଚ୍ଚିତ୍ର ଅଭିନେତ୍ରୀ ଲିସା ହେଡନ୍ ୨୦୧୬ ରେ ଉଦ୍ୟୋଗୀ ଡିନୋ ଲାଲଭାନୀଙ୍କୁ ବିବାହ କରିଥିଲେ ଏବଂ ଏହି ଦମ୍ପତି ୨୦୧୭ରେ ସେମାନଙ୍କର ପ୍ରଥମ ସନ୍ତାନ ଜ୍ୟାକକୁ ସ୍ୱାଗତ କରିଥିଲେ। ଲିସା ଏବଂ ଡିନୋ ଫେବୃଆରୀ ୨୦୨୦ରେ ସେମାନଙ୍କର ଦ୍ୱିତୀୟ ସନ୍ତାନ ଲିଓ ଙ୍କୁ ସ୍ବାଗତ କରିଥିଲେ।
