ସନଷ୍ଟାର ଟିଭି ବ୍ୟୁରୋ
ବ୍ରହ୍ମପୁର: ଆଜି ବ୍ରହ୍ମପୁର ମହାନଗର ନିଗମ ପାଇଁ ହେବ ଡେପୁଟି ମେୟର ନିର୍ବାଚନ। ସକାଳ ୧୦ ଟାରୁ ୧୧ ଟା ମଧ୍ୟରେ ନାମାଙ୍କନ ପତ୍ର ଦାଖଲ ହେବାକୁ ଥିବା ବେଳେ ଦି ୧୧ ଟାରୁ ୧୨ ମଧ୍ୟରେ ନାମାଙ୍କନ ପତ୍ର ଯାଞ୍ଚ କରାଯିବ। ଏହାପରେ ପ୍ରାର୍ଥୀ ଚାହିଁଲେ ଦିନ ୧ଟା ପୂର୍ବରୁ ତାଙ୍କର ପ୍ରାର୍ଥୀପତ୍ର ପ୍ରତ୍ୟାହାର କରିପାରିବ। ତେବେ ୧.୩୦ ଘଟିକାରୁ ୩.୩୦ ଭିତରେ ନିର୍ବାଚନ ଫଳ ପ୍ରକାଶ ପାଇବ। ତେବେ ଏହି ଆସନ ମଧ୍ୟ ବିଜେଡି ହାତେଇ ବୋଲି ଆଶା କରାଯାଉଛି। କାରଣ ବ୍ରହ୍ମପୁର ମହାନଗର ନିଗମରେ ମୋଟ ୪୨ଟି ଆସନରୁ ୩୦ ଟି ବିଜେଡି,ବିଜେପି ୭ଟି ଏବଂ କଂଗ୍ରେସ୧ ଟି ଓ ସ୍ବାଧୀନ ପ୍ରାର୍ଥୀ ୪ ଟି ଆସନରେ ବିଜୟ ହୋଇଥିଲା ।ସଂଖ୍ୟା ଗରିଷ୍ଠତା ବିଜେଡିର ଅଧିକ ଥିବାରୁ ଏହି ଆସନ ମଧ୍ୟ ବିଜେଡି ସପକ୍ଷରେ ଯିବ। ତେବେ ବ୍ରହ୍ମପୁର ମହାନଗର ନିଗମ ପାଇଁ ବିଜେଡି ୪୨ ନଂ ଓ୍ବାର୍ଡର ଇ.ବିବେକ ରେଡ୍ଡୀଙ୍କ ନାମ ଘୋଷଣା କରିଥିବା ବେଳେ ବିଜେପି ୨୧ ନଂ ଓ୍ବାର୍ଡର ଡି.କରୁଣାକରଙ୍କ ନାମ ଘୋଷଣା କରିଛି।
