ସନଷ୍ଟାର ଟିଭି ବ୍ୟୁରୋ
ୱାଶିଂଟନ୍ : ପୃଥିବୀ ଆଡକୁ ମାଡି ଆସୁଛି ଏକ ଭୂ ଚୁମ୍ବକୀୟ ଝଡ଼। ଏହା ଅତି କ୍ଷିପ୍ର ବେଗରେ ପୃଥିବୀ ଆଡ଼କୁ ମୁହାଁଉଛି । ଏହା ଆଜି ପୃଥିବୀ ସହ ଧକ୍କା ହୋଇପାରେ । ସୌରପୃଷ୍ଠର କ୍ରିୟାକଳାପରୁ ଏହା କୌଣସିମତେ ବାହାରିଆସିଥିବାଣ ନ୍ୟାସନାଲ ଓସେନିକ ଆଣ୍ଡ ଆଟମୋ ସ୍ଫରିକ ଆଡମିନେଷ୍ଟ୍ରେସନ ( ଏନଓ ଏଏ ) ପକ୍ଷରୁ ଏହାର ସୂଚନା ଦିଆଯାଇ କୁହାଯାଇଛି । ଏହାର ମହାକାଶ ପାଣିପାଗ ଭବିଷ୍ୟବାଣୀ କେନ୍ଦ୍ର ( ଏସଡବ୍ଲୁପିସି ) ପ୍ରଦାନ କରିଥିବା ସୂଚନାନୁଯାୟୀ , ପ୍ରାୟ ୨୫ ଡିଗ୍ରୀ ଦୀର୍ଘ ଏକ ସୌର ଫିଲାମେଣ୍ଟ ବା ତନ୍ତୁ ଛିଟିକି ଆସିଛି । ଏହାକୁ କରୋନେଲ ମାସ୍ ଇଜେକ୍ସନ ବୋଲି କେନ୍ଦ୍ରର ବୈଜ୍ଞାନିକମାନେ କହୁଛନ୍ତି । ଏହା ଏକ କ୍ଷୁଦ୍ର ଜି – ୧ ଶ୍ରେଣୀର ଝଡ଼ ବୋଲି ସେମାନେ ଦର୍ଶାଇଛନ୍ତି । ଏହା ବିଶେଷ ବିପଜ୍ଜନକ ନୁହେଁ ବୋଲି ସେମାନେ ଆଶ୍ୱସ୍ତି ଦେଇଛନ୍ତି । ଏତଦ୍ ବ୍ୟତୀତ ୪ ତାରିଖରେ ଅନ୍ୟ ଏକ ଫିଲାମେଣ୍ଟ ସୂର୍ଯ୍ୟରୁ ଛିଟିକି ଆସିଛି ଏବଂ ଏହା ୭ ସୁଦ୍ଧା ପୃଥ୍ବୀ ସହ ଧକ୍କା ଲାଗିବା ସମ୍ଭାବନା ରହିଛି । ଏହାଦ୍ଵାରା ବିଦ୍ୟୁତ୍ ଶକ୍ତି ଉତ୍ପାଦନ କ୍ଷେତ୍ର ପ୍ରଭାବିତ ହେବାର ଆଶଙ୍କା ଥିବା ସେମାନେ ସତର୍କ କରାଇଛନ୍ତି ।
ଅତ୍ୟାଧୁନିକ G1 (ଛୋଟ) ଜିଓମ୍ୟାଗ୍ନେଟିକ୍ ଝଡ ଲୋ ଆର୍ଥ କକ୍ଷପଥରେ ଥିବା ଉପଗ୍ରହ ଉପରେ ଅଧିକ ପ୍ରଭାବ ପକାଇବା ସହିତ ପାୱାର ଗ୍ରୀଡରେ ପରିବର୍ତ୍ତନ ଘଟାଇପାରେ। ଏକ ଶକ୍ତିଶାଳୀ ଝଡ ଇଣ୍ଟରନେଟ୍, ଉପଗ୍ରହ ଯୋଗାଯୋଗ ଏବଂ ବିଦ୍ୟୁତ୍ ଗ୍ରୀଡ୍ ଉପରେ ପ୍ରଭାବ ପକାଇପାରେ, ଯାହା କହିବାକୁ ଗଲେ ଏହା ଶକ୍ତି ଉପରେ ପ୍ରଭାବ ପକାଇପାରେ । ସୂଚନାମୁତାବକ G2 ଝଡ଼ ରେ ୪୯ ରୁ ୪୦ ଉପଗ୍ରହ କ୍ଷତିଗ୍ରସ୍ତ ହୋଇଛି ଯାହା ଫେବୃୟାରୀ ୩ ରେ ଲଞ୍ଚ ହୋଇଥିଲା ।
