ସନଷ୍ଟାର ଟିଭି ବ୍ୟୁରୋ
ଯାଜପୁର : ହୋଲି ଖେଳ ସାଝିଲା କାଳ। ନଦୀ ପଠାକୁ ଯାଇଥିଲେ ଗାଧେଇବା ପାଇଁ ହେଲେ ଜାଣି ନଥିଲେ ଏହି ହୋଲି ତାଙ୍କ ପାଇଁ ଶେଷ ହୋଲି ସାବ୍ୟସ୍ତ ହେବ। ଯାଜପୁର ଟାଉନ ଥାନା ଅନ୍ତର୍ଗତ ବଡ଼ ସୁଆର ଅଞ୍ଚଳରେ ଖରସ୍ରୋତା ନଦୀକୁ ହୋଲି ଖେଳି ଗାଧୋଇ ଯାଇଥିବା ବେଳେ ନଦୀରେ ବୁଡି ୭ ଜଣ ନିଖୋଜ ହୋଇଥିଲେ । ତେବେ ଏହି ଘଟଣାରେ ମୃତ୍ୟୁ ସଂଖ୍ୟା ୪କୁ ବୃଦ୍ଧି ପାଇଛି । ଅଗ୍ନିଶମ ବିଭାଗ ଦ୍ୱାରା ଚାରି ଜଣଙ୍କର ମୃତ ଦେହ ଉଦ୍ଧାର କରାଯାଇଛି। ଅଗ୍ନିଶମ ବିଭାଗ ର ଦୁଇଟି ଟିମ ନିଖୋଜ ଯୁବକ ମାନଙ୍କୁ ଖୋଜିବାରେ ନିୟୋଜିତ ହୋଇଛନ୍ତି । ଗତ କାଲି ୨ଜଣଙ୍କର ମୃତ ଦେହ ଉଦ୍ଧାର କରାଯାଇଥିବା ବେଳେ ଆଜି ଆଉ ଦୁଇଜଣଙ୍କର ମୃତ ଦେହ ଉଦ୍ଧାର କରାଯାଇଛି। ତେବେ ଟିକିଏ ସାବଧାନତା ପରଖିଥିଲେ ଏପରି ଅଘଟଣ ହୋଇ ନଥାନ୍ତା ବୋଲି ଆଶା କରାଯାଉଛି।
