ସନଷ୍ଟାର ଟିଭି ବ୍ୟୁରୋ
ନୂଆପଡା: ନୂଆପଡା ଜିଲ୍ଲା ଖଡ଼ିଆଳ ବ୍ଲକ ସାନମହେଶ୍ୱର ପଞ୍ଚାୟତ ର ଘରଧରା ଗ୍ରାମରେ ଗତକାଲିଠାରୁ ଷୋହଳ ପ୍ରହରୀ ନାମ ଯଜ୍ଞ ଅନୁଷ୍ଠିତ ହୋଇଯାଇଛି। ଯେହେତୁ ଦୁଇବର୍ଷ ହେବ ଲୋକେ କୌଣସି ସାଂସ୍କୃତିକ ପ୍ରୋଗ୍ରାମ ଏବଂ ନାମଯଜ୍ଞ ଦେଖିପାରିନଥିଲେ ସେଥିପାଇଁ ସ୍ଥାନୀୟବାସିନ୍ଦା ଏବଂ ଆଖ ପାଖରେ ଅଞ୍ଚଳ ବାସି ହଜାର ହଜାର ସଂଖ୍ୟାରେ ଯୋଗଦେଇଛନ୍ତି। ସମସ୍ତ କୋଭିଡ କଟକଣା ସହ କୋଭିଡ ଗାଇଡ଼ଲାଇନକୁ ଆଖି ଆଗରେ ରଖି ଭକ୍ତମାନେ ନାମ ସଂକୀର୍ତନ ଦେଖିବାପାଇଁ ଆସୁଛନ୍ତି ଏବଂ ଉପଭୋଗ ମଧ୍ୟ କରୁଛନ୍ତି । ଏଇ ଯଜ୍ଞ ଅବସରରେ ମୋଟ ସଂକୀର୍ତନ ଦଳ ଛଅଗୋଟି ଭାଗ ନେଇଥିବା ବେଳେ ଲାଞ୍ଜି, କୋଟରିବାହାଲ, ବେଲଗାଁ, କୁଲିଗାଁ, ତିଖାଳି, ଘରଧରା ର କଳାକାର ହସ ଉଲ୍ଲାସର ସହିତ ଯୋଗ ଦେଇ ଦର୍ଶକଙ୍କ ମନ ମୋହୁଛନ୍ତି । ଭଗବାନଙ୍କ ନାମ ସଂକୀର୍ତନ କୁ ଶୁଣି ସବୁଭକ୍ତ ଉପଭୋଗ କରିବାସହ ଖୁସିରେ ଉପଭୋଗ କରୁଛନ୍ତିl(ରିର୍ପୋଟ:ଶାମ୍ବ କୁମାର ସରାଫ)
