ଆପଲ ଲଞ୍ଚ କଲା ଆପଲ ୱାନ୍ ସେବା

ଭୁବନେଶ୍ୱର; ଭାରତରେ ଲଞ୍ଚ ହେଲା ଆପଲ ‌ୱାନ୍ ସେବା । ଏହା ଏକ ସବସ୍କ୍ରିପସନ ଆଧାରିତ ସେବା। ଏହି ସେବା ମାଧ୍ୟମରେ ଆପଣଙ୍କୁ ଆପଲ ମ୍ୟୁଜିକ୍, ଆପଲ ଟିଭି ପ୍ଲସ, ଆପଲ ଆରକେଡ ଏବଂ ଆଇ କ୍ଲାଉଡ ଷ୍ଟୋରେଜ ଭଳି ସେବା ମିଳିବ। ଆପଲ ୱାନ କୁ ଭାରତରେ ଦୁଇଟି ଭାରିଅଣ୍ଟରେ ଲଞ୍ଚ କରାଯାଇଛି। ଯେଉଁଥିରେ ନିଜସ୍ବ ଏବଂ ଫ୍ୟାମିଲି ପ୍ଲାନ ମଧ୍ୟ ସାମିଲ ରହିଛି।
ଆପଲ ୱାନର ଏହି ନିଜସ୍ବ ପ୍ଲାନର ମୂଲ୍ୟ ୧୯୫ ଟଙ୍କା ପ୍ରତି ମାସ ରହିଥିବା ବେଳେ ଫ୍ୟାମିଲି ପ୍ୟାକର ମୂଲ୍ୟ ୩୬୫ ଟଙ୍କା ରହିଛି। ୧୯୫ ଟଙ୍କିଆ ପ୍ଲାନରେ ଆପଲ ମ୍ୟୁଜିକ୍‌, ଆପଲ ଟିଭି +ଆପଲ ଆରକେଡ୍ ଏବଂ ଆଇ କ୍ଲାଉଡ୍ ସହିତ ୫୦ ଜିବି ଷ୍ଟୋରେଜ ମଧ୍ୟ ମିଳିବ। ସେହିପରି ୩୯୫ ଟଙ୍କିଆ ପ୍ଲାନରେ ଆପଲ ମ୍ୟୁଜିକ୍‌, ଆପଲ ଟିଭି +ଆପଲ ଆରକେଡ୍ ଏବଂ ଆଇ କ୍ଲାଉଡ୍ ସହିତ ୨୦୦ ଜିବିର ଷ୍ଟୋରେଜ ମିଳିବ। ଫ୍ୟାମିଲି ପ୍ୟାକରେ ୬ ଲୋକଙ୍କ ସହିତ ଆଇଡି ସେୟାର କରାଯାଇପାରିବ।