ସନଷ୍ଟାର ଟିଭି ବ୍ୟୁରୋ
ରିର୍ପୋଟ:ଅଭିଷେକ ବଚ୍ଚନ ପୁଣି ପରଦାକୁ ଫେରି ଆସିଛନ୍ତି। କିନ୍ତୁ ଏଥର କିଛି ଭିନ୍ନ ଅନ୍ଦାଜରେ। ଏଥର ଗଙ୍ଗା ରାମ ଚୌଧୁରୀ। ଏହି ଅଭିନେତାଙ୍କର ନୂତନ ଚଳଚିତ୍ର ଖୁବ ଶୀଘ୍ର ପରଦାକୁ ଆସୁଛି ଯାହାର ନାମ ହେଉଛି ‘ଦସଓ୍ବି’।ଏଥିରେ ସେ କ୍ଲାସ୍ ୧୦ମର ବୋର୍ଡ ପରୀକ୍ଷା ପାଇଁ ପ୍ରସ୍ତୁତ ହେଉଥିବା ଜଣେ ଜେଲର ଅନ୍ତେବାସୀଙ୍କର ଭୂମିକାରେ ନଜର ଆସିବେ। ଏପ୍ରିଲ ୭ ରୁ ଫିଲ୍ମ ନେଟଫ୍ଲିକ୍ସରେ ଷ୍ଟ୍ରିମିଂ ହେବ ବୋଲି ଘୋଷଣା କରଯାଇଥିବା ବେଳେ ସୋମବାର ଦିନ ଟିଜର ଆଉଟ କରିଛନ୍ତି ଅଭିଷେକ। ଫିଲ୍ମର ନୂତନ ପୋଷ୍ଟରରେ ତାଙ୍କୁ ଏକ ଧଳା କୁର୍ତ୍ତା-ପାଇଜାମାରେ ଦେଖିବାକୁ ମିଳିଛି। କିଛି ବହି ସେଲ୍ଫ ମଧ୍ୟରେ ଏକ ଟେବୁଲ ଉପରେ ଠିଆ ହୋଇଥିବାର ସେ ନଜର ଆସିଛନ୍ତି। ଜେଲରୁ ଦଶମ ଶ୍ରେଣୀ ପାଇଁ ଶିକ୍ଷା ଗ୍ରହଣ କରିବା ଆମର ଶିକ୍ଷାଗତ ଅଧିକାର ବୋଲି ସେ ଉଲ୍ଲେଖ କରିଛନ୍ତି।
ଅଭିଷେକ ନିଜ ଇନଷ୍ଟାଗ୍ରାମରେ ଟିଜର ସେୟାର କରିବା ପରେ ପ୍ରଶଂସକ ମାନେ ତାଙ୍କୁ ବହୁମାତ୍ରାରେ କମେଣ୍ଟ କରିଛନ୍ତି। କେହି ଜଣେ ପ୍ରଶଂସକ କହିଛନ୍ତି ଯେ “ହେ ମଜେଦାର ଲଗ୍ ରହେ ହୋ !! ଏହି ଲୁକ୍ ତୁମ ପାଇଁ ଉପଯୁକ୍ତ ଅଟେ।
ଏହି ଚଳଚିତ୍ରଟି ତୁଷାର ଜାଲୋଟାଙ୍କ ଦ୍ୱାରା ନିର୍ଦ୍ଦେଶିତ। ଏହି ଚଳଚିତ୍ରରେ ଅନ୍ୟମାନଙ୍କ ମଧ୍ୟରେ ୟାମି ଗୌତମ ଏବଂ ନିମ୍ରାତ କୌରଙ୍କୁ ମଧ୍ୟ ଦେଖିବାକୁ ମିଳିବ। ଦୀନେଶ ଭାଇଜାନ୍ ଏବଂ ବେକ୍ ମାଇ କେକ୍ ଫିଲ୍ମ ଦ୍ୱାରା ନିର୍ମିତ ଏହି ଚଳଚ୍ଚିତ୍ରଟି ଜିଓ ସିନେମା ଏବଂ ନେଟଫ୍ଲିକ୍ସରେ ଆସନ୍ତା ଏପ୍ରିଲ ୭ରୁ ଷ୍ଟ୍ରିମିଂ ହେବ। ଅଭିଷେକ ଏହା ପୂର୍ବରୁ ଫିଲ୍ମର ସୁଟିଂରୁ ଏକ ଚିତ୍ର ମଧ୍ୟ ସେୟାର କରିଥିଲେ। ଟିଜର ରୁ ଅନୁମାନ କରାଯାଉଛି ଯେ ଏହି ଚଳଚିତ୍ର ଦର୍ଶକ ମାନଙ୍କର ମନକୁ ନିହାତି ଭାବରେ ସ୍ପର୍ଶ କରିବ।
