ସନଷ୍ଟାର ଟିଭି ବ୍ୟୁରୋ
ପୋଲସରା :ଶାସକ ବିଜୁ ଜନତା ଦଳ ସମର୍ଥିତ କଳ୍ପନା ପ୍ରଧାନ ପୋଲସରା ପଞ୍ଚାୟତ ସମିତି ଅଧ୍ୟକ୍ଷା ଭାବେ ନିର୍ବାଚିତ ହୋଇଛନ୍ତି। ପୋଲସରା ପଞ୍ଚାୟତ ସମିତି ର ସମ୍ମିଳନୀ କକ୍ଷରେ ପଞ୍ଚାୟତ ସମିତି ଅଧ୍ୟକ୍ଷା ପାଇଁ ନିର୍ବାଚନ ଅନୁଷ୍ଠିତ ହୋଇଥିଲା। ଏହି ନିର୍ବାଚନ ରେ ବେଲଗାଁ ଗ୍ରାମ ପଞ୍ଚାୟତ ରୁ ସମିତି ସଭ୍ୟା ଭାବେ ନିର୍ବାଚିତ ହୋଇଥିବା କଳ୍ପନା ପ୍ରଧାନ ଶାସକ ଦଳ ର ଅଧ୍ୟକ୍ଷା ପ୍ରାର୍ଥୀ ହୋଇଥିଲେ। ଅପରପକ୍ଷରେ ସୋଡକ ଗ୍ରାମ ପଞ୍ଚାୟତ ରୁ ସମିତି ସଭ୍ୟା ଭାବେ ନିର୍ବାଚିତ ଗୀତା ସେଠୀ ବିଜେପି ସମର୍ଥିତ ପ୍ରାର୍ଥୀ ହୋଇଥିଲେ। ତେବେ କଳ୍ପନା ୨୦ ଟି ଭୋଟ ପାଇ ନିର୍ବାଚିତ ହୋଇଥିବା ବେଳେ ଗୀତା ୬ ଖଣ୍ଡ ଭୋଟ ପାଇଛନ୍ତି। ସମିତି ଅଧ୍ୟକ୍ଷା ଭାବେ ନିର୍ବାଚିତ ହେବା ପରେ କଳ୍ପନା ବିଜେଡି ସୁପ୍ରିମୋ ଏବଂ ସ୍ଥାନୀୟ ବିଧାୟକ ଶ୍ରୀକାନ୍ତ ସାହୁ ଓ ସମସ୍ତ ସମିତିସଭ୍ୟା/ସଭ୍ୟ ସହିତ ପୋଲସରା ସମସ୍ତ ଜନସାଧାରଣ ଙ୍କୁ କୃତଜ୍ଞତା ଜଣାଇଛନ୍ତି।ଏହା ସହିତ ପୋଲସରା ବିଧାୟକ ଶ୍ରୀସାହୁଙ୍କ ନେତୃତ୍ବରେ ବ୍ଳକ ଠାରୁ ଏକ ବିଜୟ ଶୋଭାଯାତ୍ରାରେ ବାହାରି ପୋଲସରା ସହର ପରିକ୍ରମା କରି ବେଲଗାଁ ପଞ୍ଚାୟତରେ ଶୋଭାଯାତ୍ରା କରାଯାଇଥିଲା ସେଠାରେ ଅଧ୍ୟକ୍ଷା ଶ୍ରୀମତୀ ପ୍ରଧାନଙ୍କୁ ପଞ୍ଚାୟତ ବାସୀ ଭବ୍ୟ ମାତ୍ରାରେ ସମ୍ବର୍ଦ୍ଧନା ଜଣାଇଥିଲେ।କାର୍ଯ୍ୟକ୍ରମ ରେ ବ୍ଳକ ସଭାପତି ସୁରେନ୍ଦ୍ରନାଥ ପ୍ରଧାନ, ଜିଲ୍ଲାପରିଷଦ ସଦସ୍ୟ ଅଶୋକ କୁମାର ବିଷୋୟୀ, ବିକ୍ରମ କୁମାର ନାୟକ,ଝୁନୁ ଦାସ,ନବ ନିର୍ବାଚିତ ସରପଞ୍ଚ, ସମିତିସଭ୍ଯ,ପୂର୍ବତନ ସରପଞ୍ଚ ଓ ସମିତି ସଭ୍ୟ ସମେତ ବହୁ ସମର୍ଥକ ସାମିଲ ହୋଇଥିଲେ। (ରିପୋର୍ଟ:ବସନ୍ତ କୁମାର ସାହୁ)
