ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ: ଠୁମକା କୁଇନ ଶିଳ୍ପା ଶେଟ୍ଟୀ ଏବଂ ଜନ୍ ଅବ୍ରହାମଙ୍କ ଯୋଡି ଏଯାଏଁ ସବୁ ବଲିଉଡ ପ୍ରେମିଙ୍କର ମନରେ ଏକ ସ୍ବତନ୍ତ୍ର ସ୍ଥାନ ସୃଷ୍ଟି କରିଛି। ଦୋସ୍ତାନା ଚଳଚିତ୍ରରେ ଏହି ଯୋଡିଙ୍କୁ ଦେଖିବାକୁ ମିଳିଥିଲା। ତେବେ ପୁଣି ଏକାଠି ନଜର ଆସିଛନ୍ତି ଏହି ବଲିଉଡ ତାରକା। ଦୋସ୍ତାନାର ଏକ ଭିଡିଓରେ ଏହି ଦୁଇ କଳାକାରଙ୍କୁ ନୃତ୍ୟ କରୁଥିବାର ଦେଖିବାକୁ ମିଳିଛି। ସୋମବାର ସନ୍ଧ୍ୟାରେ ଶିଳ୍ପା ଶେଟ୍ଟୀ ଜନ୍ ଅବ୍ରାହାମଙ୍କ ସହ ମିଶି ନାଚୁଥିବାର ଏକ ଭିଡିଓ ସେୟାର କରିଛନ୍ତି। ଯାହା ଶୋଶିଆଲ ମିଡିଆରେ ହଇଚଇ ସୃଷ୍ଟି କରି ଦେଇଛି। ଭିଡିଓରେ, ତାରକାମାନେ ୨୦୦୮ ରେ ମୁକ୍ତିଲାଭ କରିଥିବା ଚଳଚ୍ଚିତ୍ର ଦୋସ୍ତାନା ର ଶଟ ଅପ୍ ଆଣ୍ଡ ବାଉନ୍ସ ଟ୍ରାକରେ ନାଚୁଥିବା ଦେଖିବାକୁ ମିଳିଛନ୍ତି। ଏହି ଭିଡିଓରେ ସୁପର କୁଲ ଶିଳ୍ପାଙ୍କୁ ଜନଙ୍କ ସହ ଠୁମକା ଲଗାଉଥିବାର ଦେଖିବାକୁ ମିଳିଛି। ଉଭୟ ଜନ ଆଉ ଶିଳ୍ପା ଗୀତର ତାଳେ ତାଳେ ଷ୍ଟେପ ମିଶାଉଥିବାର ଦେଖିବାକୁ ମିଳୁଛି। ଏହାସହ ଏହି ସୁପର କୁଲ୍ ଭିଡିଓ ସେୟାର କରି ଶିଳ୍ପା ଶେଟ୍ଟୀ ପୁନଃ ମିଳନ ଯାହା ଆମକୁ ଆବଶ୍ୟକ ବୋଲି ଆମେ ଜାଣି ନଥିଲୁ ବୋଲି ସେ ଲେଖିଛନ୍ତି। ତେବେ ଦୋସ୍ତାନାରେ ଶିଳ୍ପା ଶେଟ୍ଟୀ,ଜନ ଅବ୍ରାହମ,ଅଭିଶେକ ବଚ୍ଚନଙ୍କୁ ଦେଖିବାକୁ ମିଳିଥିଲା। ଯାହା ବକ୍ସ ଅଫିସରେ ଖୁବ ନାମ କମାଇବା ସହ ଭଲ କଲେକ୍ସନ ମଧ୍ୟ କରିଥିଲା। ତେବେ ଏହି ଭିଡିଓ ଶିଳ୍ପା ପୋଷ୍ଟ କରିବା ପରେ ବହୁ ପ୍ରଶଂସକ ମାନେ ତାଙ୍କୁ କମେଣ୍ଟ କରିଛନ୍ତି। ତେବେ ଶେଷଥର ଶିଳ୍ପାଙ୍କୁ ଟିଭି ରିଅଲିଟି ସୋ ସୁପର ଡାନ୍ସର୍ ସିଜିନ୪ରେ ଜଣେ ବିଚାରପତି ଭାବରେ ଦେଖିବାକୁ ମିଳିଥିବା ବେଳେ ଜନଙ୍କୁ ଶେଷଥର ସତ୍ୟମେଭ ଜୟତେ ରେ ଦେଖିବାକୁ ମିଳିଥିଲା।
