ନୂଆଦିଲ୍ଲୀ: ଭାରତୀୟ ଦଳ ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କ କାର ପ୍ରତି ଥିବା ପ୍ରେମ କାହାଠାରୁ ଲୁଚି ନାହିଁ। ଆମେ ସମସ୍ତେ ଜାଣିଛୁ ଏହି କ୍ରିକେଟ ପ୍ରେମୀଙ୍କର କାର ପ୍ରତି ଟିକିଏ ଦୁର୍ବଳତା ରହିଛି। ତାଙ୍କର ପୂର୍ବତନ ସାଥୀ ଖେଳାଳି ଏମଏସ ଧୋନିଙ୍କ ପରି ସେ ବିଳାସପୂର୍ଣ୍ଣ କାରକୁ ବହୁ ଭଲ ପାଆନ୍ତି। ତେବେ କୁହନ୍ତି ବାପାଙ୍କର ଝଲକ ପୁଅଠାରେ ନିହାତି ପ୍ରତିଫଳିତ ହେବ। ହାର୍ଦ୍ଦିକଙ୍କ ପୁଅ ମଧ୍ୟରେ କାର୍ ପ୍ରତି ମଧ୍ୟ କିଛି ସମାନ ପ୍ରେମ ଦେଖିବାକୁ ମିଳିଛି। ହାର୍ଦ୍ଦିକ ନିଜ ଇନଷ୍ଟାଗ୍ରାମରେ ଏକ ଖେଳନା କାର ଚଳାଉଥିବା ପୁଅ ଅଗସ୍ତ୍ୟ (ହାର୍ଦ୍ଦିକ ପାଣ୍ଡ୍ୟା ସୋନ ଅଗସ୍ତ୍ୟ) ଙ୍କ ଚିତ୍ର ସେୟାର କରିଛନ୍ତି। ଏହା ପୋଷ୍ଟ କରି ସେ ଲେଖିଛନ୍ତି – କାରଗୁଡିକ ପାଇଁ ବିଶେଷ ପ୍ରେମ ଜାରି ରହିଛି…।
ସେ ନିଜେ ମଧ୍ୟ ଏହି ଚିତ୍ରରେ ନଜର ଆସିଛନ୍ତି। ସୂଚନାଯୋଗ୍ୟ ଯେ ଫିଟନେସ୍ କାରଣରୁ ସେ ବର୍ତ୍ତମାନ ଆନ୍ତର୍ଜାତୀୟ କ୍ରିକେଟ୍ ଠାରୁ ଦୂରରେ ଅଛନ୍ତି ଏବଂ ପରିବାର ସହିତ ଗୁଣାତ୍ମକ ସମୟ ବିତାଉଛନ୍ତି। ପ୍ରାୟତଃ ସେ ଇନଷ୍ଟାଗ୍ରାମରେ ପୁଅ ଅଗସ୍ତ୍ୟଙ୍କ ଚିତ୍ର ଏବଂ ଭିଡିଓ ପୋଷ୍ଟ କରିଥା’ନ୍ତି। ହାର୍ଦ୍ଦିକ ବଲିଉଡର ଅଭିନେତ୍ରୀ ନତାଶାଙ୍କୁ ୧ଜାନୁୟାରୀ ୨୦୨୦ରେ ବିବାହ ପାଇଁ ପ୍ରସ୍ତାବ ଦେଇଥିଲେ। କୋଭିଡ କାରଣରୁ ସେମାନଙ୍କର ବିବାହ ବହୁ ଆଡମ୍ବର ପୂର୍ଣ୍ଣଭାବେ ଅନୁଷ୍ଠିତ ହୋଇପାରି ନଥିଲା।ଏକ ଘରୋଇ ସମାରୋହରେ ତାଙ୍କର ବିବହା ହୋଇଥିଲା। ଜୁନ୩୦ ରେ ହାର୍ଦ୍ଦିକ ଏବଂ ନତାଶା ତାଙ୍କର ପୁଅଙ୍କୁ ସ୍ବାଗତ କରିଥିଲେ। ହାର୍ଦ୍ଦିକଙ୍କୁ ଏହି ଆଇପିଏଲ ସିରିଜରେ ଗୁଜୁରାଟ ଟାଇଟାନ୍ସର ନୂଆ ଦଳର ଅଧିନାୟକ ଭାବେ ନଜର ଆସିବେ। ତାଙ୍କୁ ମୁମ୍ବାଇ ଇଣ୍ଡିଆନ୍ସ ରଖିନଥିବାବେଳେ ଗୁଜୁରାଟ ଏହି ଅଲରାଉଣ୍ଡରଙ୍କୁ ୧୫ କୋଟି ଟଙ୍କାରେ ନେଇଥିଲା। ସେ ଦଳର ଅଧିନାୟକତ୍ୱ କରୁଥିବା ଦେଖିବାକୁ ମିଳିବ।
