ସନଷ୍ଟାର ଟିଭି ବ୍ୟୁରୋ
ଭୁବନେଶ୍ବର: ରାଜ୍ୟରେ ପଞ୍ଚାୟତ ନିର୍ବାଚନ ଜାରି ରହିଛି। ଏହା ମଧ୍ୟରେ ୨ଟି ପର୍ଯ୍ୟାୟରେ ଭୋଟଗ୍ରହଣ ହୋଇ ସାରିଛି। କିନ୍ତୁ ଭୋଟ ଗ୍ରହଣ ସମୟରେ କିଛି ବୁଥରେ ବିଭ୍ରାଟ କାରଣରୁ ଭୋଟଦାନ ଶାନ୍ତିପୂର୍ଣ୍ଣଭାବେ ହୋଇପାରି ନଥିଲା। ତେଣୁ ଆସନ୍ତା ୨୩ ତାରିଖରେ ରାଜ୍ୟରେ ବିଭିନ୍ନ ସ୍ଥାନରେ ୪୫ଟି ବୁଥରେ ସାନି ମତଦାନ କରାଯିବ। ଫେବୃଆରୀ ୨୩ରେ ସକାଳ ୯ରୁ ଅପରାହ୍ନ ୩ଟା ପର୍ଯ୍ୟନ୍ତ ଏହି ମତଦାନ ପ୍ରକ୍ରିୟା ଜାରି ରହିବ।
ମିଳିଥିବା ସୂଚନାଅନୁସାରେ ପ୍ରଥମ ପର୍ଯ୍ୟାୟ ୨୫ଟି ବୁଥରେ ଭୋଟ ଗ୍ରହଣ କରାଯାଇପାରି ନଥିଲା ସେହିପରି ଦ୍ବିତୀୟ ପର୍ଯ୍ୟାୟରେ ୨୦ଟି ବୁଥରେ ଭୋଟ ଗ୍ରହଣ କରାଯାଇପାରି ନଥିଲା। ତେଣୁ ୪୫ଟି ବୁଥରେ ଏହି ମତଦାନ କରାଯିବ। ନିର୍ବାଚନ କମିଶନ ତରଫରୁ ଏହି ସୂଚନା ଦିଆଯାଇଛି। ତେବେ ବିଶୃଙ୍ଖଳା କାରଣରୁ ଏହି ସବୁ ବୁଥରେ ସାନି ମତଦାନ କରାଯିବ।
