ସନଷ୍ଟାର ଟିଭି ବ୍ୟୁରୋ
ମୁମ୍ବାଇ: ଅଭିନେତା କୁନାଲ କପୁର ଏବଂ ତାଙ୍କ ପତ୍ନୀ, ନୈନା ବଚ୍ଚନଙ୍କର ସୋମବାର ଦିନ ଏକ ପୁତ୍ର ସନ୍ତାନର ପିତାମାତା ହୋଇଥିବାର ଘୋଷଣା କରିଛନ୍ତି। ଏ ଖବର କୁନାଲ ତାଙ୍କର ଇନଷ୍ଟାଗ୍ରାମରେ ସେୟାର କରିଛନ୍ତି। ଏହାପରେ କୁନାଲଙ୍କ ପ୍ରଶଂସକ ମାନେ ତାଙ୍କୁ ଶୁଭେଚ୍ଛା ଜଣାଇଛନ୍ତି। ଏକ ଖବର ପୋଷ୍ଟ କରି କୁନାଲ କପୁର ଲେଖିଛନ୍ତି, “ଆମର ସମସ୍ତ ଶୁଭେଚ୍ଛୁଙ୍କୁ, ନୈନା ଏବଂ ମୁଁ କହିବାକୁ ଚାହୁଁଛୁ ଯେ ଆମର ଏକ ସୁନ୍ଦର ଶିଶୁପୁତ୍ର ହୋଇଛି। ଯାହା ପାଇଁ ଆମେ ଗର୍ବିତ। ଏହା ଆମ ପାଇଁ ଭଗବାନ ଆଶୀର୍ବାଦ । ଏହାସହ ସେ ନୋଟ୍ ସହିତ ଏକ ‘ନଜର’ ଆମ୍ଲେଟ୍ ମଧ୍ୟ ଯୋଡିଛନ୍ତି। ଏହାସହ କୁନାଲ ତାଙ୍କ ପୋଷ୍ଟରେ କ୍ୟାପସନ୍ ଦେଇନାହାଁନ୍ତି କେବଳ ଏକ ଲାଲ୍ ହୃଦୟ ଇମୋଜି ସହିତ ସେୟାର କରିଛନ୍ତି।
ତେବେ କୁନାଲଙ୍କ ଏହି ପୋଷ୍ଟ ପରେ ଅନେକ ସେଲିବ୍ରେଟ୍ ତାଙ୍କ ପୋଷ୍ଟରେ ପ୍ରତିକ୍ରିୟା ପ୍ରକାଶ କରିବା ସହିତ ଦମ୍ପତିଙ୍କୁ ଅଭିନନ୍ଦନ ମଧ୍ୟ ଜଣାଇଛନ୍ତି।
