ସନଷ୍ଟାର ଟିଭି ବ୍ୟୁରୋ
ଭୁବନେଶ୍ବର:କୋଟିପତି ବିଜେପି। ସବୁଠାରୁ ଧନୀ ହେଉଛି ବିଜେପି।ଏଡିଆର ୨୦୧୯-୨୦ ବର୍ଷ ପାଇଁ ନିଜର ରିର୍ପୋଟ ସର୍ବାଜନୀନ କରିଛନ୍ତି। ମିଳିଥିବା ରିର୍ପୋଟ ଅନୁସାରେ ବିଜେପି ନିକଟରେ ୪,୮୭୪.୭୮ କୋଟି ଟଙ୍କାର ସମ୍ପତ୍ତି ଥିବାର ଘୋଷଣା କରିଛି। ସେହି ପରି କଂଗ୍ରେସ ପାଖରେ ୫୮୮.୧୬ କୋଟି ଟଙ୍କାର ସମ୍ପତ୍ତି ରହିଛି। ରିର୍ପୋଟ ଅନୁସାରେ ୨୦୧୯ ରୁ ୨୦ ମଧ୍ୟରେ ସାତଟି ଜାତୀୟ ଏବଂ ୪୪ ଟି ଆଞ୍ଚଳିକ ଦଳ ଦ୍ବାରା ଘୋଷିତ ମୋଟ ସମ୍ପତ୍ତି ୬,୯୮୮.୫୭ କୋଟି ଏବଂ ୨,୧୨୯.୩୮ କୋଟିଟଙ୍କା ରହିଛି। ଆଞ୍ଚଳିକ ଦଳ ଭାବେ ସମାଜବାଦୀ ପାର୍ଟି ନିଜ ନିକଟରେ ୫୬୩.୪୭ କୋଟି ଟଙ୍କା ଥିବା ଘୋଷଣା କରିଛି। ଏହାପରେ ପରେ ଟିଆରଏସ ୩୦୧.୪୭ ଏବଂ ଏଆଇଡିଏମକେ ପାଖରେ ୨୬୭.୬୧ କୋଟିଟଙ୍କା ଥିବା ଘୋଷଣା କରିଛନ୍ତି। ସେହିପରି ୭ଟି ରାଷ୍ଟ୍ରୀୟ ଏବଂ ୪୪ଟି ଆଞ୍ଚଳିକ ଦଳ ପକ୍ଷରୁ ମୋଟ ୧୩୪.୯୩ କୋଟି ଟଙ୍କାର ୠଣ ଥିବା ଘୋଷଣା କରାଯାଇଛି।ଏହାସହ କଂଗ୍ରେସ ସର୍ବାଧିକ ୪୯.୫୫ କୋଟିଟଙ୍କା ୠଣ କରିଥିବା ଘୋଷଣା କରିଛି।
