ସନଷ୍ଟାର ଟିଭି ବ୍ୟୁରୋ
ଭୁବନେଶ୍ବର: ପ୍ରାର୍ଥୀ ପତ୍ର ଦାଖଲ ପାଇଁ ମିଳିଲା ଦ୍ବିତୀୟ ସୁଯୋଗ। ଆସନ୍ତ ୨୯ରୁ ୩୧ ତାରିଖ ମଧ୍ୟରେ ପ୍ରାର୍ଥୀ ପତ୍ର ଦାଖଲ କରିବାକୁ ସୁଯୋଗ ଦିଆଯାଇଛି। ଏନେଇ ୨୭ ତାରିଖରେ ବିଧିବଦ୍ଧ ବିଜ୍ଞପ୍ତି ପ୍ରକାଶ ପାଇବ। ଏହାପରେ ଫେବୃଆରୀ ୧ରେ ନାମାଙ୍କନ ଯାଞ୍ଚ, ଏବଂ ୨ରେ ତାଲିକା ପ୍ରକାଶ ପାଇବ। ଫେବୃଆରୀ୪ରେ ପ୍ରତ୍ୟାହାର ପାଇଁ ସୁଯୋଗ ମିଳିବ ଏବଂ ଚୂଡାନ୍ତ ତାଲିକା ପ୍ରକାଶ ପାଇବ। ଯଦି ଦ୍ବିତୀୟ ସୁଯୋଗରେ କେହି ପ୍ରାର୍ଥୀ ପତ୍ର ତାଲିକା ନକରିଲେ ତେବେ ରାଜ୍ୟ ସରକାର ସିଲେକ୍ସନ କରିବେ। ପୁନଃ ବିଜ୍ଞପ୍ତି ଜାରି ନେଇ ସୂଚନା ଦେଲେ ଷ୍ଟେଟ ଇଲେକ୍ସନ କମିଶନ ଆଦିତ୍ୟ ପ୍ରସାଦ ପାଢ଼ୀ। ସୂଚନାମୁତାବକ ରାଜ୍ୟରେ ୪ହଜାର ରୁ ଅଧିକ ସ୍ଥାନରେ ଓ୍ବାର୍ଡମେମ୍ବେର ପ୍ରାର୍ଥୀ ନଥିବା ବେଳେ ୬ଟି ସ୍ଥାନରେ ସରପଞ୍ଚ ଏବଂ ୭ଟି ସ୍ଥାନରେ ସମିତି ସଭ୍ୟା ପ୍ରାର୍ଥୀ ନାହାନ୍ତି। ତେଣୁ ଏହି ଦ୍ବିତୀୟ ସୁଯୋଗ ଦିଆଯାଇଛି।
