ସନଷ୍ଟାର ଟିଭି ବ୍ୟୁରୋ
ପୁରୀ : ପୁରୀରେ ଲାଗିଛି କଳଙ୍କର ଛିଟା। ଜଣେ ୫ ବର୍ଷର ଶିଶୁ କନ୍ୟାକୁ ଅମାନୁଷିକ ଭାବେ ବଳାତ୍କାର କରାଯାଇଥିବାର ସୂଚନା ଆଗକୁ ଆସିଛି । ଘଟଣା ଘଟିଛି ଟାଉନ୍ ଥାନା ଅଧୀନ ସିଦ୍ଧବକୁଳ ଲେନ୍ରେ । ଶିଶୁଟିକୁ ଗୁରୁତର ଅବସ୍ଥାରେ ପ୍ରଥମେ ସଦର ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା ପରେ ତାଙ୍କର ଅବସ୍ଥା ଗୁରୁତର ହୋଇଥିବାରୁ କଟକ ଏସ୍ସିବି ମେଡିକାଲକୁ ସ୍ଥାନାନ୍ତର କରାଯାଇଛି । ଏନେଇ ପୁଲିସ୍ ମାମଲା ରୁଜୁ କରିଛି , ଅଭିଯୁକ୍ତ ଜଣକ ହେଉଛି ମହେଶ ମହାନ୍ତି ( ୩୫ ) । ଯେ ଏବେ ଫେରାର ରହିଛି । ପୁଲିସ୍ ସୂଚନା ମୁତାବକ , ରବିବାର ପୂର୍ବାହ୍ନ ୧୧ଟାରେ ଅଭିଯୁକ୍ତ ଜଣକ ଶିଶୁକନ୍ୟାର ଘରକୁ ଆସିଥିଲା । ଝିଅଟିକୁ ଛାତ ଉପରକୁ ଡାକି ନେଇ ବଳାତ୍କାର କରିଥିଲା । ଏହି ସମୟରେ ଶିଶୁର ମା ’ ଦେଖି ଦେଇଥିଲେ । ଚିତ୍କାର କରିବାରୁ ଅଭିଯୁକ୍ତ ଶିଶୁକୁ ଛାଡ଼ି ଦୌଡ଼ିଥିଲା । ଏହାପରେ ଶିଶୁକୁ ଡାକ୍ତରଖାନା ନେଇଥିଲେ ପରିବାର । ଏହି ସମୟରେ ଟାଉନ୍ ଥାନା ପୁଲିସକୁ ଖବର ଦିଆଯାଇଥିଲା । ପୁଲିସ ପହଞ୍ଚିବା ବେଳକୁ ଅଭିଯୁକ୍ତ ଘଟଣାସ୍ଥଳରୁ ଖସି ଯାଇଥିବା କହିଛନ୍ତି ଆଇଆଇସି ଗୋକୁଳ ରଞ୍ଜନ ଦାସ । ଏନେଇ ପରିବାର ପକ୍ଷରୁ ଅଭିଯୋଗ ହେବା ପରେ ଦଫା ୩୭୬ ( କଖ ) ଓ ପୋକ୍ ଆକ୍ଟ ୬ ବଳରେ ବଳାତ୍କାର ମାମଲା ରୁଜୁ କରି ଅଭିଯୁକ୍ତକୁ ଖୋଜୁଛି ପୁଲିସ । ଏନେଇ ୪ଟି ସ୍ୱତନ୍ତ୍ର ଟିମ୍ ଗଠନ କରିଛନ୍ତି ଏସ୍ପି । ପୋଲିସ ତାର ଛାନ ଭିନ୍ନ ଜାରିରଖିଛି।
