ସନଷ୍ଟାର ଟିଭି ବ୍ୟୁରୋ
ଭୁବନେଶ୍ୱର:ଚୋରି ପାଇଁ ଲୁଟେରା ବାହାର କରୁଛନ୍ତି ନୂଆ ନୂଆ ପନ୍ଥା । ଖୁଲମ ଖୁଲା ପୋଲିସକୁ ଚ୍ୟାଲେଞ୍ଜ ଦେଇ ରାଜଧାନୀର ଛାତି ଉପରେ ଅଭିନବ ଉପାୟରେ ସ୍ପଷ୍ଟ ଦିବାଲୋକରେ କରୁଛନ୍ତି ଲୁଟପାଟ୍ । ନୟାପଲ୍ଳୀ ଆଇଆର୍ସି ଭିଲେଜରେ ଥିବା ଏକ ମେଡିସିନ୍ ଷ୍ଟୋରରୁ ଲୁଟ କରିଛନ୍ତି ଦୁବୃର୍ତ୍ତ । ସୂଚନାଅନୁସାରେ ମେଡିସିନ୍ କିଣିବା ବାହାନାରେ ୩ଜଣ ଦୁବୃତ୍ତ ଦିନବେଳା ଦୋକାନୀଙ୍କ ଆଖିରେ ଧୂଳି ଦେଇ ପ୍ରାୟ ୪୯ହଜାର ଟଙ୍କା ଲୁଟିନେଇଛନ୍ତି । ସମସ୍ତ ଲୁଟ୍ର ଦୃଶ୍ୟ ଦୋକାନରେ ଲାଗିଥିବା ସିସିଟିଭି କଏଦ ହୋଇଛି । ଏନେଇ ବ୍ୟବସାୟୀ ଜଣକ ନୟାପଲ୍ଳୀ ଥାନାରେ ଅଭିଯୋଗ କରିବାପରେ ପୋଲିସ ସିସିଟିଭି ଫୁଟେଜ୍ ଆଧାରରେ ସମ୍ପୃକ୍ତ ଅଭିଯୁକ୍ତଙ୍କୁ ଧରିବା ପାଇଁ ତଦନ୍ତ ଜାରି ରଖିଛି। ତେବେ ରାଜଧାନୀରେ ଏହା ପ୍ରଥମ ଘଟଣା ନୁହେଁ ।ଏହି ପରି ବହୁ ଘଟଣା ଘଟୁଛି। ପୋଲିସ ଆଖିରେ ଧୂଳି ଦେଇ ଲୁଟେଣା ଲୁଟିବାରେ ସକ୍ଷମ ହେଉଛନ୍ତି। ଆଉ ପୋଲିସ କେବଳ ଘଟଣାର ତହନ୍ତ ହିଁ କରୁଛି।( ରିର୍ପୋଟ:ପ୍ରିୟ)
