ସନଷ୍ଟାର ଟିଭି ବ୍ୟୁରୋ
ଭୁବନେଶ୍ବର:ଏକ ଗଣ୍ଡଗୋଳ ମାମଲାରେ ଚିଲିକା ବିଧାୟକ ପ୍ରଶାନ୍ତ ଜଗଦେବ ଙ୍କ ନାମରେ ମାମଲା ଦାଏର ହୋଇଥିଲା । ଏହାପରେ ବିଶୃଙ୍ଖଳିତ ଆଚରଣ ପାଇଁ ତାଙ୍କୁ ବିଜେଡି ଦଳରୁ ନିଲମ୍ବିନ କରାଯାଇଥିଲା। ତେବେ ଆଜିର ବିଜେଡି ମିଶ୍ରଣ ପର୍ବ ସମୟରେ ବିଧାୟକ ପ୍ରସାନ୍ତ ଜଗଦେବଙ୍କୁ ଦେଖିବାକୁ ମିଳିଥିଲା। ଚିଲିକା ନିର୍ବାଚନ ମଣ୍ଡଳୀର ଅନେକ ବିଜେପି ନେତା ଓ କର୍ମୀ ଆଜି ବିଜେଡି ରେ ଯୋଗ ଦେଉଥିବା ବେଳେ ଅବସରରେ ବିଧାୟକ ପ୍ରସାନ୍ତ ଜଗଦେବ ଙ୍କୁ ଦେଖିବାକୁ ମିଳିଥିଲା।
ତେବେ ଗଣମାଧ୍ୟମ ଏହାକୁ ନେଇ ବିଧାୟକଙ୍କୁ ପ୍ରଶ୍ନ ରଖିଥିବା ବେଳେ ଉତ୍ତର ଦେବାକୁ ଯାଇ ନିଲମ୍ବିତ ବିଧାୟକ ପ୍ରଶାନ୍ତ ଜଗଦେବ ଏହି ପ୍ରସଙ୍ଗରେ କହିଛନ୍ତି ଯେ ବିଜେପି ଯୋଜନା ବଦ୍ଧ ଭାବେ ମିଥ୍ୟ ଅଭିଯୋଗ କରି ତାଙ୍କୁ ଫସାଇ ଦେଇଥିଲା । ଯାହା ଫଳରେ ବିଜେଡି ଶୃଙ୍ଖଳାଗତ କାରଣରୁ ନିଲମ୍ବିତ କରିଥିଲେ । ସେ ବିଜେଡି ରୁ ନିର୍ବାଚିତ ହୋଇଛନ୍ତି ମଧ୍ୟ ସେ ଦଳରେ ଅଛନ୍ତି ଏବଂ ଆଗକୁ ଦଳର ହିଁ ହୋଇ ରହିବେ। ଏହାର ପ୍ରସଙ୍ଗରେ ଜବାବ୍ ରଖିଛନ୍ତି ବିଜେପି ଉପସଭାପତି ଗୋଲକ ମହାପାତ୍ର । ଏହି ପ୍ରସଙ୍ଗକୁ ନେଇ କହିଛନ୍ତି ଯେ ଯିଏ ବିଶୃଙ୍ଖଳା କରେ ,ହତ୍ୟା କରେ ବିଜେଡି ସେମାନଙ୍କୁ ଆଶ୍ରୟ ଦିଏ । ନିଲମ୍ବନ ଏକ ଡ୍ରାମା କହିବା ସହ ବିଜେଡି ଦଳ ଅପରାଧୀଙ୍କ ବଳ କହି ଆକ୍ଷେପ କରିଛନ୍ତି। ତେବେ ପ୍ରସାନ୍ତ ଜଗଦେବ କେଉଁ କାରଣ ରେ ଆଜି ମିଶ୍ରଣ ପର୍ବରେ ଯୋଗଦାନ କରିଥିଲେ ଏବଂ ତାଙ୍କର ଏହି ସଭାରେ ଯୋଗ ଦେବା ପଛରେ କାରଣ କଣ ତାହା ସ୍ପଷ୍ଟ ହୋଇ ନାହିଁ।(ରିର୍ପୋଟ:ଆଶିଷ କୁମାର ରାଉତ)
