ସନଷ୍ଟାର ଟିଭି ବ୍ୟୁରୋ
ନୂଆପଡା : ନୂଆପଡା ଜିଲ୍ଲା ଖଡିଆଳ ଅବକାରୀ ବିଭାଗ କୁ ମିଳିଛି ବଡ଼ ସଫଳତା। ଆଜି ଅବକାରୀ ବିଭାଗଙ୍କ ପେଟ୍ରୋଲିଙ୍ଗ ସମୟରେ ଖଡିଆଳ ରୁ କୋମନା ଯିବା ରାସ୍ତା ୩୫୩ ଜାତୀୟ ରାଜପଥ ବରଗାଁ ଛକ ନିକଟରେ ଜଣେ ଯୁବକ ଗୋଟିଏ କାର୍ଟୁନ ଧରି ବସ କୁ ଅପେକ୍ଷା କରିଥିବା ବେଳେ ଅବକାରୀ ବିଭାଗ ସନ୍ଦେହ କରି ଯାଞ୍ଚ କରିଥିଲେ। ଯାଞ୍ଚବେଳେ ତାଙ୍କ ଠାରୁ ୧୦୦ବୋତଲ କଫ ସିରଫ ଜବତ କରାଯାଇଥିଲା। ଯାହାର ଆନୁମାନିକ ମୂଲ୍ୟ ପନ୍ଦର ହଜାର ଟଙ୍କା ହେବ ବୋଲି ଖଡିଆଳ ଅବକାରୀ ଅଧିକାରୀ ଡମ୍ବରୁଧର ହରପାଲ ପ୍ରକାଶ କରିଛନ୍ତି। ସୂଚନା ଅନୁଯାୟୀ ଅବକାରୀ ବିଭାଗ ଏଥିରେ ସମ୍ପୃକ୍ତ ରୋନା ପଣ୍ଡା ନାମକ ଜଣକ ବ୍ୟକ୍ତିଙ୍କୁ ଗିରଫ କରିଛି । ତେବେ ଗିରଫ କରାଯାଇଥିବା ବ୍ୟକ୍ତି ଜଣକ ନୂଆପଡା ଜିଲ୍ଲା ଖଡିଆଳ ଥାନା ବରଗାଁର ବୋଲି ଜଣାପଡିଛି । ତେବେ ଅବକାରୀ ବିଭାଗ କେଶ ନମ୍ବର ୧୦୨/୨୨ ଆଧାରରେ ତାଙ୍କୁ ଗିରଫ କରି କୋର୍ଟ ଚଲାଣ କରିଥିବା ସୂଚନା ଦେଇଛନ୍ତି ଖଡିଆଳ ଅବକାରୀ ଅଧିକାରୀ । (ରିର୍ପୋଟ: ଶାମ୍ବ କୁମାର ସରାଫ)
