ସନଷ୍ଟାର ଟିଭି ବ୍ୟୁରୋ
ନୂଆଦିଲ୍ଲୀ:କଂଗ୍ରେସ ଦଳରେ ଯୋଗ ଦେଲେ ଅଭିନେତା ସୋନୁ ସୁଦଙ୍କ ଭଉଣୀ ମାଲଭିକା ସୁଦ। ଫେବୃଆରୀ ୧୪ ରୁ ମାର୍ଚ୍ଚ୧୦ ପର୍ଯ୍ୟନ୍ତ ପଞ୍ଜାବ ଗୋଟିଏ ପର୍ଯ୍ୟାୟରେ ଭୋଟ୍ ଦାନ ହେବାକୁ ଯାଉଛି। କୋଭିଡ ସଙ୍କଟ ସମୟରେ ଅଭିନେତା ସୋପୁ ବହୁ ସମାଜସେବା କାର୍ଯ୍ୟକରି ବହୁ ଲୋକଙ୍କ ପ୍ରଶଂସା ସାଉଁଟିଥିଲେ । ସୋନୁ ମଧ୍ୟ ତାଙ୍କ ଭଉଣୀଙ୍କର ଏହି ପଦକ୍ଷେପକୁ ସମର୍ଥନ କରୁଥିବାର କହିଛନ୍ତି।
ଗତ ବର୍ଷ ନଭେମ୍ବରରେ ସୋନୁଙ୍କ ଭଉଣୀ ରାଜନୀତିରେ ଯୋଗଦେବେ ବୋଲି ପ୍ରକାଶ କରିଥିଲେ।ସେ ଲୋକ ମାନଙ୍କ ପାଇଁ କାର୍ଯ୍ୟକରିବାକୁ ଚାହୁଁଛନ୍ତି ବୋଲି ପ୍ରକାଶ କରିଥିଲେ। ଏହି ଯୋଗଦାନ ସମାବେଶ ସୋନୁଙ୍କ ପଞ୍ଜାବରେ ଥିବା ବାସଭବନରେ ଅନୁଷ୍ଠିତ ହୋଇଥିଲା। ଯେଉଁଥିରେ ପଞ୍ଜାବ ମୁଖ୍ୟମନ୍ତ୍ରୀ ଚରଣଜୀତ ଚାନ୍ନୀ ଏବଂ ନବଜୋତ ସିଂ ସିଦ୍ଧୁ ଉପସ୍ଥିତ ଥିଲେ।
ଆମ ପାଇଁ ଏହା ଅତ୍ୟନ୍ତ ଖୁସିର ବିଷୟ ଯେ ଜଣେ ଯୁବତୀ ଯିଏ ଏକ ଏନଜିଓ ଚଳାଇ ନିଜ ପାଇଁ ଏକ ନାମ ଅର୍ଜନ କରିଛନ୍ତି ଏବଂ ନିଜକୁ ଜନସେବାରେ ସମର୍ପିତ କରିଛନ୍ତି ସେ ଆମ ଦଳରେ ମିଶିଛନ୍ତି ବୋଲି ଶ୍ରୀ ସିଦ୍ଧୁ ପ୍ରକାଶ କରିବା ସହ ତାଙ୍କୁ ଦଳକୁ ସ୍ବାଗତ କରିଛନ୍ତି। ସୂଚନାମୁତାବକ ମାଲଭିକା ଜଣେ ସଫ୍ଟଓ୍ବେର ଇଞ୍ଜିନିୟର। ଏବଂ ସେ ଏନଜିଓ ମଧ୍ୟ ଚଳାଉଛନ୍ତି।
