ସନଷ୍ଟାର ଟିଭି ବ୍ୟୁରୋ
ଚାନ୍ଦବାଲି :ଦୁଃଘଟଣାରେ ଚାଲି ଗଲା ୨ଜୀବନ। ଏଭଳି ଘଟଣା ଦେଖିବାକୁ ମଳିଛି ଭଦ୍ରକ ଜିଲ୍ଲା ଚାନ୍ଦବାଲି ବ୍ଲକ ଅନ୍ତର୍ଗତ ବିଜୟନଗର ପଞ୍ଚାୟତରେ। ଚାନ୍ଦବାଲି- ବିଜୟ ନଗର ରୋଡ, ଇଲେକ୍ଟ୍ରି ଗ୍ରୀଡ଼ ନିକଟରେ ଦୁଇ ବାଇକ ମୁହାଁ ମୁହିଁ ଧକ୍କା ହୋଇଛି । ଫଳରେ ଦୁଇଟି ବାଇକରେ ଥିବା ୩ଜଣ ଏଥିରେ ଦୁର୍ଘଟଣାର ଶୀକାର ହୋଇଥିଲେ। ଘଟଣାସ୍ଥଳରୁ ସମସ୍ତଙ୍କୁ ଉଦ୍ଧାର କରାଯାଇ ଚାନ୍ଦବାଲି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ଦୁଇ ଜଣକୁ ମୃତ ଘୋଷଣା କରିଛନ୍ତି ଏବଂ ଆଉଜଣେ ଗୁରୁତର ଆହତଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି। ମୃତକ ୨ଜଣଙ୍କ ମଧ୍ୟରୁ ଜଣେ ବିଜୟ ନଗର ପଞ୍ଚାୟତର ବିଦ୍ୟାଧର ନାୟକଙ୍କ ପୁଅ ସୁଦର୍ଶନ ନାୟକ(୨୪) ଏବଂ ଅନ୍ୟ ଜଣେ ଚରଦିଆ ପଞ୍ଚାୟତ ହରେକୃଷ୍ଣ ପୁର ଗ୍ରାମର ଶିବ ପ୍ରସାଦ ସାହୁଙ୍କ ପୁଅ ଶାନ୍ତିପଦ ସାହୁ (୨୦)ବୋଲି ସୂଚନାମିଳିଛି। ସେହିପରି ଚରଦିଆ ପଞ୍ଚାୟତ ହରେକୃଷ୍ଣ ପୁର ଗ୍ରାମର ଶ୍ରୀକାନ୍ତ ପାଲ ଙ୍କ (୧୯) ପୁଅ ବାପି ପାଲ ଙ୍କୁ ଗୁରୁତର ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି। ଏହି ଘଟଣାରେ ସମଗ୍ର ଚାନ୍ଦବାଲି ଅଞ୍ଚଳରେ ଦୁଃଖର ବାତାବରଣ ସୃଷ୍ଟି ହୋଇଛି। ଖବର ପାଇଁ ଶହ ଶହ ଲୋକ ମେଡିକାଲରେ ପହଞ୍ଚିଥିବା ବେଳେ ଚାନ୍ଦବାଲି ବିଧାୟକ ଡକ୍ଟର ବ୍ୟମୋକେଶ ରାୟ ମଧ୍ୟ ମେଡିକାଲରେ ପହଞ୍ଚି ଘଟଣା ଅନୁଧ୍ୟାନ କରିଛନ୍ତି ।(ରିପୋର୍ଟ:ପ୍ରଶାନ୍ତ କୁମାର ପାଣି)
